ӨНӨӨДӨР “ГЕОДЕЗИ, УСНЫ БАРИЛГА, БАЙГУУЛАМЖИЙН ГАЗАР” ОНӨААТҮГ-ын ТАВАН ЖИЛИЙН ОЙ ТОХИОЖ БАЙНА

ӨНӨӨДӨР “ГЕОДЕЗИ, УСНЫ БАРИЛГА, БАЙГУУЛАМЖИЙН ГАЗАР” ОНӨААТҮГ-ын 5 ЖИЛИЙН ОЙ ТОХИОЖ  БАЙГУУЛЛАГЫНХАА АЖИЛЧДЫГ ШАГНАЖ УРАМШУУЛЛАА.

“Геодези, усны барилга, байгууламжийн газар” нь Улаанбаатар хотын хэмжээнд 153 км урттай үерийн хамгаалалтын далан суваг, 187 км урт хөрсний болон борооны ус зайлуулах шугам сүлжээний ашиглалт, засвар арчлалт, нөхөн сэргээлт, угсралтын ажил буюу инженерийн бэлтгэл арга хэмжээг үндсэн чиг үүргийн дагуу хариуцан ажилладаг онцгой чиг үүрэг бүхий мэргэжлийн байгууллага юм.

Манай байгууллага нь анх 1995 онд “Улаанбаатар Ус” НӨҮГ нэртэйгээр байгуулагдсан бөгөөд 2016 оноос Нийслэлийн Засаг дарга бөгөөд Улаанбаатар хотын захирагчийн А/638 дугаар захирамж, НИТХ-ын Тэргүүлэгчдийн 14-р тогтоолоор “Геодези, Усны барилга байгууламжийн газар” ОНӨААТҮГ статустай үйл ажиллагаагаа явуулж байгаа бөгөөд өнөөдөр манай байгууллагын 5 жилийн ой тохиож байна.

Энэхүү ойн арга хэмжээнд Нийслэлийн Засаг дарга бөгөөд Улаанбаатар хотын захирагч Д.Сумъяабазар, Нийслэлийн ИТХ-ын Тэргүүлэгчдийн Нарийн бичгийн дарга Б.Батбямба, Нийслэлийн Инноваци, технологийн асуудал хариуцсан төслүүдийн удирдагч Д.Ихбаяр, Улаанбаатар хотын ЗАА-ны дарга Т.Гантөмөр, Нийслэлийн ИТХ-ын төлөөлөгч, “Геодези, усны барилга, байгууламжийн газар” ОНӨААТҮГ-ын дарга Л.Ариунтуяа, Нийслэлийн ИТХ-ын даргын зөвлөх Ш.Үнэнбат тэргүүтэй албаны хүмүүс оролцоо.

“Геодези, усны барилга, байгууламжийн газар” ОНӨААТҮГ нь энэ онд Долоон буудал, Баянбүрдийн тойрог, “Чингис” зочид буудал орчимд борооны ус дахин тогтохгүй байх инженерийн дэд бүтцийг шийдэн амжилттай ажилласан бөгөөд өдгөө Баянзүрх дүүргийн 25, 26 дугаар хороо, Зайсан орчмын иргэдийг тав тухтай орчинд амьдруулах, тухайн хэсэгт борооны ус тогтохгүй байх нөхцөл бүрдүүлэхээр бүтээн байгуулалт хийж байгаа юм. Ойн арга хэмжээний үеэр Нийслэлийн ИТХ-ын төлөөлөгч, “Геодези, усны барилга, байгууламжийн газар” ОНӨААТҮГ-ын дарга Л.Ариунтуяа энэ онд эхлүүлсэн бүтээн байгуулалтын ажлуудыг эрчимжүүлэх, шинэ санаачилга гарган ажиллана гэдгийг онцолсон. Тухайлбал, насжилт өндөртэй шугам сүлжээг шат дараатай солих, шинээр барилга, байшин ашиглалтад оруулахад хөрсний ус зайлуулах дэд бүтэц заавал хийдэг байх эрх зүйн орчин бүрдүүлэх зэрэг олон ажил хийхээр төлөвлөжээ.

Харин Нийслэлийн Засаг дарга бөгөөд Улаанбаатар хотын захирагч Д.Сумъяабазар тус байгууллагын техникийн хангамжийг нэмэгдүүлж, ажилтан, албан хаагчдын ажлын нөхцөлийг сайжруулахад анхаарч ажиллана гэсэн юм.