“МИАТ” Бээжин Хонконгийн зарим нислэгээ цуцаллаа

Үндэсний агаарын тээвэрлэгч “МИАТ” ТӨХК шинэ коронавируст халдварын дэгдэлттэй холбогдуулан Бээжин, Хонконгийн чиглэлийн зарим нислэгээ цуцаллаа.

Тус компани Бээжин хотын чиглэлд хоёрдугаар сард нийт 10 нислэг, Хонконг хотын чиглэлд 2 болон гуравдугаар сард нийт 8 нислэг цуцалсан бөгөөд бусад нислэг хэвийн үргэлжилж байна гэж мэдээлэв.

Нислэг цуцлагдсантай холбогдуулан 24 цагийн турш зохицуулалт хийж ажиллаж байгаа аж. Дэлгэрэнгүй мэдээллийг 11 333 999 дугаараас авах боломжтой.