Шинэ коронавируст халдвараар 9774 хүн өвджээ

Энэ сарын 31-ны 10.00 цагийн байдлаар, шинэ коронавирусний халдвар авсан хүний тоо 9774-т хүрч 213 хүн нас бараад байна. Харин 171 хүн эдгэрчээ хэмээн Эрүүл мэндийн яам өнөөдрийн ээлжит мэдээллийнхээ үеэр танилцууллаа.

Харин өчигдөр буюу энэ сарын 30-ний 10:00 цагийн байдлаар, халдвартай хүний тоо 7711-т хүрч 170 хүн нас барсан бол 124 хүн эдгэрсэн гэж байсан юм.

Ташрамд дурдахад, Дэлхийн эрүүл мэндийн байгууллага /ДЭМБ/ шинэ төрлийн коронавирусний халдвар Хятадаас өөр олон улс оронд бүртгэгдсэнтэй холбогдуулан олон улсын хэмжээнд онц байдал зарлаад буй. ДЭМБ 2009 оноос хойш олон улсын хэмжээний онц байдлыг зургаа дахь удаагаа тогтоож буй нь энэ бөгөөд 2009 онд гахайн томуу, 2014 онд Полио вирус, 2016 онд Зика вирус, 2014, 2019 онд Эбола вирусний дэгдэлтийн үеэр тус тус онц байдал зарласан байна. Онц байдал тогтоосноор ДЭМБ зөвлөмжүүдийг тогтмол өгч, гурван сар тутам тайлагнадаг байна.