Монгол улс мобайл интернэтийн хурдаар 100, суурин интернэтийн хурдаар 84-т жагсжээ

Speedtest байгууллага 2019 оны арванхоёрдугаар сард дэлхийн улс орнуудын интернэтийн хурд ямар хэмжээтэй байсныг харьцуулж жагсаажээ.

Ингэхэд үүрэн холбооны буюу мобайл интернэтийн хувьд Монгол улс дэлхийн 140 орноос 100 дугаарт 19.71 Mbps дундаж хурдтайгаар жагссан байна. Харин суурин буюу өргөн зурвасын интернэтийн хувьд дэлхийн 177 орноос 84 дүгээрт 31.79 Mbps дундаж хурдтайгаар жагсжээ.

Өмнөх хэмжилтээс хойш манай улсын мобайл интернэтийн эрэмбэ 4 байраар, суурин интернэтийн хурд 13 байраар ухарсан байна.

Мобайл интернэтийн хурдаар дэлхийд тэргүүлэгч 10 улсад:

1. Өмнөд Солонгос
2. Арабын Нэгдсэн Эмират
3. Катар
4. Канад
5. Хятад
6. Австрали
7. Нидерланд
8. Норвеги
9. Болгар
10. Хорват улсууд жагссан байна.

Харин суурин интернэтийн хурдаар тэргүүлсэн 10 улсад:

1. Сингапур
2. Хонг Конг
3. Монако
4. Румын
5. Өмнөд Солонгос
6. Швейцар
7. Лихтенштэйн
8. Тайвань
9. Франц
10. Швед багтжээ.

Мобайл интернэт нь хамгийн удаан улс Палестин, Афганистан, Алжир байгаа бол суурин интернэтийн хурд хамгийн удаантай улсаар Туркменистан, Вануату, Венесуэль шалгарчээ.