СТАНЦ НЭМЭЛТ ДААЛГАВРАА ДАВУУЛАН БИЕЛҮҮЛЖ ЯВНА

Он гарсаар Эрдэнэт үйлдвэрийн Дулааны цахилгаан станцынхан үйлдвэрлэлийн төлөвлөгөөг 118-120 хувиар биелүүлсэн амжилттай ажиллаж байна. Ингэснээр 6 сая кВт цагийн цахилгаан эрчим хүч илүү үйлдвэрлэжээ. Дулааны станц 2018 оноос цахилгаан эрчим хүч давхар үйлдвэрлэдэг болсноор дунджаар жил бүр 310 сая кВт цаг цахилгаан үйлдвэрлэдэг байв. Харин улсын хэмжээнд цахилгаан эрчим хүчний хэрэглээ нэмэгдсэнтэй холбогдуулан Диспетчерийн Үндэсний төвөөс энэ онд Эрдэнэт үйлдвэрийн Дулааны цахилгаан станцад 335 сая гаруй кВт/ц эрчим хүч үйлдвэрлэн нийлүүлэх горим төлөвлөгөө нэмж өгсний 20 гаруй хувийг үйлдвэрлээд байна. Тус станцын хамт олон 2022 онд засвар үйлчилгээний олон ажил төлөвлөжээ. Тухайлбал, 2018 онд ашиглалтад орсон хоёр трубин болон 4-р зуухыг их засварт оруулна. 
Сүүлийн үед урд хилийн хориг суларснаас улсын хэмжээнд вагоны эрэлт нэмэгдсэнтэй холбогдуулан нүүрс татан авалт саатаж байгааг холбогдох газар уламжлан шийдэж байна, гэж Дулааны цахилгаан станцын Ерөнхий инженер Д.Дарханбаяр ярилаа.