“ЭРҮҮЛ МЭНД-ЭРХЭМ БАЯН” АЯН ҮРГЭЛЖИЛЖ БАЙНА

 Засвар, угсралтын цех ажилтнуудынхаа эрүүл мэндийн боловсролыг дээшлүүлэх, бие бялдрыг  чийрэгжүүлэх, амьдралын зөв хэв маягт суралцуулах, хамт олны дунд эерэг хандлага түгээх зорилгоор “Эрүүл мэнд-Эрхэм баян” аяныг хоёр дахь жилдээ зохион байгуулж байна. 

Аяны хүрээнд хэсэг бүрээс нас насны ангиллаар таван хүнтэй баг бүрдүүлэн дараах чиглэлээр өрсөлдөх юм. Үүнд, Эрдэнэт үйлдвэрийн ажилчдын эрүүл мэндийн замаар алхах болон дугуйгаар явах, уртын зайн алхалт, хаданд авирах, дугуйн аялал,  спортын уралдаан тэмцээн зохион байгуулж байна. Мөн эрүүл мэндийн сургалт сурталчилгааг “Эрдэнэт” сувиллын цогцолборын эмч, мэргэжилтнүүдтэй хамтран явуулж буй нь үр дүнгээ өгч байна. Аян энэ оны зургаадугаар сард өндөрлөж, шилдгүүдээ тодруулан урамшуулна, гэж цехийн Хүний нөөцийн мэргэжилтэн Ц.Цолмон мэдээллээ.