Энэ оны хөрөнгө оруулалтаар Эрдэнэт үйлдвэрийн Ерөнхий захиргааны нэгдүгээр байранд үйлчилгээний чиглэлээр хийх ажил эхэллээ. Уг ажлын хүрээнд нийт 14 албан ажлын өрөөнд их засвар хийх юм. Өнгөрөгч долоо хоногоос Барилга засварын цехийн 27 хүний бүрэлдэхүүнтэй бригад үйлдвэрийн Ерөнхий захиргааны нэгдүгээр байрны зарим өрөөнүүдэд их засварын ажил хийж байна. Төлөвлөгөөний дагуу их засварын ажил хийснээр албан өрөө тасалгааны ая тухтай орчин бүрдэнэ. Сүүлийн хоёр жилийн хугацаанд цар тахлын улмаас албан өрөөнүүдэд засвар үйлчилгээ харьцангуй бага хийжээ. Мөн Аж ахуй үйлчилгээний цехийнхэн энэ онд “Нэг ажилтан-нэг бүтээлч ажил” аян өрнүүлэхээр төлөвлөсөн. Одоогийн байдлаар Ерөнхий захиргааны нэгдүгээр байрны арын хаалга, гадна талбай, автобусны зогсоолд хуванцар бүтээгдэхүүн ялгах хогийн сав хийн тавьжээ. Үйлдвэрийн ажилтнууд өдрийн нормын усаа хэрэглэсний дараа зориулалтын саванд хог хаягдлаа хаях нөхцөл бүрдэв. Түүнчлэн хаврын тохижилтын бэлтгэл ажлууд эхэлсэн бөгөөд гадна талбайд ашигладаг багажуудаа ишлэх, цэвэрлэгээ үйлчилгээ, тохижилтын ажил хийгдэж байна.Үйлдвэрийн Захиргааны нэгдүгээр байранд 29 ажилтан ажил үйлчилгээ явуулж байна, гэж тус цехийн мастер Б.Энхмандах ярилаа.
Албан ажлын өрөөнүүдэд их засвар хийж байна
Г.Ганзул
ZUVCHIG.mn сайтын мэдээний админ нь сайтын өдөр тутмын үйл ажиллагааг удирдан зохион байгуулах, мэдээллийн агуулгыг шинэчлэх, хэрэглэгчдийн хүсэлт, санал хүсэлтийг хариуцах үүрэг гүйцэтгэдэг. Тэрээр мэдээллийн технологи, контентын удирдлага, вэб сайтын админ системд өндөр мэдлэг, чадвартай ажилладаг.
Сэтгэгдэл бичих