Эрдэнэт үйлдвэрт хийгдэж буй томоохон бүтээн байгуулалтын нэг болох Эрдэнэт хот, Эрдэнэт үйлдвэрийн ус хангамжийн дамжуулах системийн 820 мм-ийн голчтой ган хоолой бүхий цэвэр ус дамжуулах 3-р шугам татах төслийн техникийн үндсэн ажлууд дуусжээ. Одоо зарим дотоод засал, холболт, тоноглолын ажлуудаа гүйцээхээр бэлтгэл хангаж буйг Ус хангамжийн цехийн удирдлага онцлов. Түүнчлэн шугамын хий авах, ус шавхах зориулалттай завсрын худгуудын дотор талын шавардлага болон булсан хэсгүүдээ байгаль орчны шаардлагад нийцүүлж цэгцлэх ажил хийгдэж байгаа аж. Удахгүй гагнуурын тодорхой хэсгүүд дээр радиографын аргаар шалгалт, хяналт хийж, шугамын угаалга, туршилтын ажлыг эхлүүлэхээр төлөвлөж байна. Туршилтын үр дүнг ирэх 5 дугаар сарын эхний 10 хоногт багтаан нэгтгэж, 6 сард шугамын бүтээн байгуулалтыг улсын комисст хүлээлгэн өгөх юм байна.
Ус дамжуулах 3-р шугамын туршилт энэ сарын сүүлээр эхэлнэ
Г.Ганзул
ZUVCHIG.mn сайтын мэдээний админ нь сайтын өдөр тутмын үйл ажиллагааг удирдан зохион байгуулах, мэдээллийн агуулгыг шинэчлэх, хэрэглэгчдийн хүсэлт, санал хүсэлтийг хариуцах үүрэг гүйцэтгэдэг. Тэрээр мэдээллийн технологи, контентын удирдлага, вэб сайтын админ системд өндөр мэдлэг, чадвартай ажилладаг.
Сэтгэгдэл бичих