БҮХ ТӨРЛИЙН ХИМИЙН БОДИСЫГ ШОШГОЖУУЛАВ

 Эрдэнэт үйлдвэрийн Чанарын хяналтын хэлтсийн Химич инженерүүдийн баг санаачлан үйлдвэрт хэрэглэгддэг бүх төрлийн химийн бодисыг хаяглан ангилж шошгожуулах төсөлт ажлыг ШУА-ийн хүрээлэнтэй хамтран хийжээ. Энэ нь Олон улсын GHS стандартыг Монгол улсад нутагшуулах зорилгоор химийн бодисыг ангилан ялгасан ажил юм. Одоогийн байдлаар шошгыг хэвлэж ажлын байранд байршуулж байгаа аж. Энэхүү шошгожуулах ажил хийгдсэнээр хор, аюулаас урьдчилан сэргийлэх, ямар нэгэн осол, эрсдэл үүсэж болзошгүй тодорхой мэдээлэл агуулсан химийн бодисыг ажилтан шууд хараад ялгаж таних боломж бүрдэх юм.