Монгол Улсад Нийтийн аж ахуй үйлчилгээний салбар үүсэж хөгжсөний 91 жилийн ойг тохиолдуулан Эрдэнэт үйлдвэрийн Оёдлын цех ажилтнуудынхаа дунд ажил мэргэжлийн “Ур чадвар-2022” уралдааныг зохион байгууллаа. Уралдаанд Баяжмалын уут оёх, Зөөлөн оёдлын хэсгийн ажилтнууд оролцож, авхаалж самбаагаа сорив. Баяжмалын уут оёх хэсгийн ур чадварын тэмцээнд оёдолчин Д.Алтангэрэл тэргүүлж, Л.Баасансүрэн, Б.Бат-Ирээдүй нар удааллаа. Зөөлөн оёдлын хэсгийн ур чадварын тэмцээнд А.Раднаабазар түрүүлж, Д.Батчимэг, Б.Нансалмаа нар удаах байруудад шалгарсан байна. Оёдлын цех, ажил мэргэжлийн онцлогийн дагуу ажилтнуудынхаа ур чадварыг сайжруулах, оёдлын чанар стандартыг боловсронгуй болгох, залуу ажилтнуудын мэдлэг чадварыг дээшлүүлэх, туршлагатай ажилтнуудын мэргэжлийн ур чадварыг сурталчлан таниулах зорилгоор “Ур чадвар-2022” уралдааныг зохион байгуулжээ. Оёдолчдын сэтгэх чадвар, ур чадвар, хурд, бүтээгдэхүүний технологийн шаардлага зэргийг харгалзан тэмцээнийг дүгнэсэн гэдгийг тус цехийн Үйлдвэрлэл технологийн Тэргүүлэх мэргэжилтэн М.Олонжаргал онцлов.
Оёдолчид ур чадвараараа уралдлаа
Г.Ганзул
ZUVCHIG.mn сайтын мэдээний админ нь сайтын өдөр тутмын үйл ажиллагааг удирдан зохион байгуулах, мэдээллийн агуулгыг шинэчлэх, хэрэглэгчдийн хүсэлт, санал хүсэлтийг хариуцах үүрэг гүйцэтгэдэг. Тэрээр мэдээллийн технологи, контентын удирдлага, вэб сайтын админ системд өндөр мэдлэг, чадвартай ажилладаг.
Сэтгэгдэл бичих