“BlackBerry” ухаалаг утасны үйлдвэрлэлийг зогсоож байна

БНХАУ-ын “TCL Communication” компани “BlackBerry” брэндийн ухаалаг гар утасныхаа үйлдвэрлэлийг зогсоож байгаагаа мэдэгджээ. Энэ тухай компаний “Твиттер” хуудсаараа дамжуулан мэдэгджээ.

"Ирэх 8 дугаар сарын 31-нээс эхлэн “TCL Communication” компани BlackBerry брэндийн ухаалаг гар утсыг дахин борлуулахгүй болсныг мэдэгдэхэд харамсалтай байна. Компани дахин шинэ “BlackBerry” ухаалаг гар утасны загварыг боловсруулах, үйлдвэрлэх, худалдах эрхгүй болж байна” хэмээн мэдэгдэлд дурджээ.

Үүний сацуу энэхүү ухаалаг гар утасны хэрэглэгчид болон түншүүддээ талархаж байгаагаа компани илэрхийлсэн байна.