“ХҮНСНИЙ ХАНГАМЖ, АЮУЛГҮЙ БАЙДАЛ” ҮНДЭСНИЙ ХӨДӨЛГӨӨНИЙГ ЭРЧИМЖҮҮЛЭХЭЭР БАЯЛАГ БҮТЭЭГЧИД ЗӨВЛӨЛДЛӨӨ

-Монгол Улсын Ерөнхийлөгчийн ивээл дор "Хүнс, хөдөө аж ахуйн салбарын баялаг бүтээгчдийн зөвлөгөөн", “Эх оронч худалдан авалт-үндэсний үйлдвэрлэл 2023 үзэсгэлэнг зохион байгууллаа-

Монгол Улсын Ерөнхийлөгч Ухнаагийн Хүрэлсүхийн санаачлан хэрэгжүүлж буй "Хүнсний хангамж, аюулгүй байдал" үндэсний хөдөлгөөнийг эрчимжүүлэх хүрээнд хүнс, хөдөө аж ахуйн салбарын баялаг бүтээгчдийн санал бодлыг нь сонсон, цаашдын бодлого, шийдвэртээ нарийвчлан тусгах зорилготой зөвлөгөөн боллоо.

Зөвлөгөөнийг албан ёсоор нээж Ерөнхийлөгч Ухнаагийн Хүрэлсүх мэндчилгээ дэвшүүлэв. 

• Хүнс, хөдөө аж ахуйн салбарын эрх зүйн шинэчлэлт, өөрчлөлт
• “Хүнсний хангамж, аюулгүй байдал” үндэсний хөдөлгөөний хүрээнд хүнс, хөдөө аж ахуй, хөнгөн үйлдвэрийн салбарт хэрэгжүүлсэн ажил, цаашид авах арга хэмжээний тухай
• “Хүнсний хангамж, аюулгүй байдал” үндэсний хөдөлгөөний тухай
• Хүнсний үйлдвэрлэл, мал аж ахуй, газар тариалангийн салбарын санхүүжилт
• Үндэсний үйлдвэрлэл ба экспорт 
• Сүү, сүүн бүтээгдэхүүний хангамж, үйлдвэрлэл
• Хүлэмжийн аж ахуйн үйлдвэрлэлийг нэмэгдүүлэх, шинэ ургацын ногоогоор тогтвортой хангах
• Тахианы аж ахуйн үйлдвэрлэл ба хүн амын хүнсний хангамж дахь оролцоо зэрэг сэдвээр УИХ, Засгийн газрын гишүүн, мэргэжлийн холбоо, хувийн хэвшлийн төлөөлөл илтгэл, танилцуулга хийлээ.

Мөн “Хүнсний хангамж, аюулгүй байдал ба төрийн оролцоо”, “Хүнсний хангамж, аюулгүй байдлыг хангахад хувийн хэвшлийн оролцоо” сэдвээр хэлэлцүүлэг өрнүүлж, зөвлөлдөв.