МОНГОЛ УЛСЫН ИХ ХУРЛЫН 2023 ОНЫ ХАВРЫН ЭЭЛЖИТ ЧУУЛГАНЫГ ХААЖ УИХ-ЫН ДАРГА Г.ЗАНДАНШАТАРЫН ХЭЛСЭН ҮГ

Эрхэм хүндэт Монгол Улсын Ерөнхий сайд аа,

            Улсын Их Хурлын эрхэм гишүүд ээ,

Улсын Их Хурлын 2023 оны хаврын ээлжит чуулган ажлын 82 өдөр үргэлжилж, 200 шахам хууль, УИХ-ын 65 тогтоол баталснаар өндөрлөж байна.

Чуулганыг хааж хэлэх үгийнхээ эхэнд гамшгийн хэмжээнд хүрээд буй үер усны асуудалд та бүхний анхаарлыг хандуулъя.

Улаанбаатар хотын нэг хэсэг, зарим аймаг, хот суурин газрууд үерийн усанд автаад байна. Нийслэлийн Сэлбэ голын дагуух 26 хорооны 31.6 мянган өрхийн 128 мянган хүн энэ үерт өртөөд байна. Нийт 11 байршилд гудамж, зам, 108 барилга байгууламж усанд автаж, 19 мянга гаруй хэрэглэгч цахилгаангүй болоод байна.

Орон гэр нь усанд автаж, тог цахилгаангүй болсон айл өрх, ард иргэд эд хөрөнгөө биш, амь насаа бодохоос аргагүй байдалд хүрчээ. Гамшигт байдал өндөр настнууд, нялх балчир хүүхдүүдэд онцгой хүндээр тусаж байна.

Нийслэлийн төвийн 6 дүүргийн хэмжээнд 7-р сарын 8-ныг хүртэл гамшгаас хамгаалах өндөржүүлсэн бэлэн байдлын зэрэгт шилжүүлж, зарим хязгаарлалтын дэглэм хэрэгжүүлж байна. ихээхэн хүч чармайлт гарган ажиллаж байна.

Цаг наргүй, хүч нөөц, байгаа бүхнээ шавхан ажиллаж байгаа нийслэл, дүүргийн Гамшгаас хамгаалах алба, Мэргэжлийн анги, нутгийн захиргаа, төрийн цэргийн болон тусгайлсан чиг үүргийн байгууллагын ажилтан, алба хаагчдад УИХ-ын нэрийн өмнөөс талархал илэрхийлье.

Гэвч тэдэнд нэмэлт хүч, тусламж дэмжлэг хэрэгтэй байна. Тиймээс шуурхай зохион байгуулалт хийж, шаардлагатай бол бусад боломж, нөөцийг татан оролцуулах шаардлагатай байна.

УИХ-ын эрхэм гишүүд Та бүхэн Нийслэлийн Засаг дарга, холбогдох байгууллага, иргэд сонгогчидтойгоо хамтарч, өөрөөс хамаарах дэмжлэг туслалцааг үзүүлэхэд анхаарахыг хүсье. Цаг агаарын урьдчилсан мэдээгээр наадмын өдрүүдэд ч бороо устай байж магадгүй байгааг хаа хаанаа бодолцох хэрэгтэй.

УИХ дарга Г.Занданшатар "Хаврын чуулган авилгын эсрэг чуулган байх болно" гэж мэдээлж байсан. Үүнийхээ дагуу энэ хаврын чуулганаар Үндсэн хуулиндаа өөрчлөлт орууллаа. Ингэснээр УИХ 126 гишүүнтэй болж, сонгуулийн холимог тогтолцоог Үндсэн Хуулийндаа хийж өглөө.

Олон жил өөрчлөх гээд чадаагүй улс төрийн намуудын тухай хуулинд өөрчлөлт оруулж сонгуулийн тухай хуулинд өөрчлөлт оруулсанаар жендерийн 20 хувийг 30 хувь болголоо. 2028 оноос 40 хувь байхаар зааж өглөө. Мөн сонгуулийн үеэр гардаг зардлыг буурууллаа. Ингэснээр авилга буурах нэг үндэс болох юм. Мөнгөтэй нь биш мэдлэгтэй нь нэр дэвшиж сонгогддог болно.

Авилгалтай тэмцэх дараагийн 6 жилийн үндэсний хөтөлбөрийг баталлаа.

Нийтийн албанд хувийн эрх ашгийг зохицуулах тухай хуулийг баталлаа. Ингэснээр Ерөнхийлөгч, УИХ гишүүд, ЗГ-ын гишүүд, аймаг нийслэлийн засаг дарга нарын хамаарал бүхий компани улсын тендер, хөнгөлөлттэй зээл тусламжинд хамрагдахыг хориглолоо. Мөн гэр бүлийн хүмүүс нь өндөр албан тушаал хашихыг хориглосон юм.

Хөгжлийн банкны сонсголыг хийлээ. Боловсролын багц хуулийг баталлаа. Олон зүйл заалт шинэчлэн орсон бөгөөд Англи хэлийг бага ангиас нь заахыг хуулинд тусгалаа. 

Тэнгэр онгойж, бороо татарч, үер усны аюул холдоно оо. Дараа нь яах вэ гэдгээ одооноос төлөвлөх хэрэгтэй байна. Задарсан далан, усанд автсан гудамж талбайг засаж сайжруулах, цаашид учирч болох болзошгүй эрсдэлээс урьдчилан сэргийлэх арга хэмжээ авах ёстой.

Үер усанд автсан газарт бохирдлоос үүдэлтэй халдварт өвчний нөхцөл үүсдэгийг манай эрүүл мэндийн байгууллагынхан сайн мэддэг. Тиймээс авах арга хэмжээгээ тооцож төлөвлөж байгаа гэдэгт найдаж байна.