“TA 10099 ЦАР ТАХЛЫН ДАРААХ ОРЧИНД ХҮНСНИЙ АЮУЛГҮЙ БАЙДЛЫГ САЙЖРУУЛАХ” ТӨСЛИЙН ЭХЛЭЛИЙН СЕМИНАР БОЛЖ БАЙНА

“TA 10099 ЦАР ТАХЛЫН ДАРААХ ОРЧИНД ХҮНСНИЙ АЮУЛГҮЙ БАЙДЛЫГ САЙЖРУУЛАХ” ТӨСЛИЙН ЭХЛЭЛИЙН СЕМИНАР БОЛЖ БАЙНА

 “ХҮНСНИЙ БАТАЛГААТ БАЙДЛЫН МЭДЭЭЛЭЛ, ХАРИУ АРГА ХЭМЖЭЭНИЙ НЭГДСЭН СИСТЕМ” БИЙ БОЛГОНО.

Монгол Улсын Засгийн Газрын хүсэлтээр ХХААХҮЯ, Азийн хөгжлийн банктай хамтран хэрэгжүүлэх “Ковид-19 цар тахлын дараах орчинд Хүнсний аюулгүй байдлыг сайжруулах” Техник туслалцаа (ТТ)-ны TA-10099 төслийн нээлт боллоо. “TA 6584MON- Ковид-19 цар тахлын хямралын үеийн хүнсний баталгаат байдлын эрсдлийн удирдлага” төслийн хаалтын семинар болон “ТА- 10099 цар тахлын дараах орчинд хүнсний аюулгүй байдлыг сайжруулах” төслийн эхлэлийн семинарыг нээж Хүнс, хөдөө аж ахуй, хөнгөн үйлдвэрийн Төрийн нарийн бичгийн дарга Т.Жамбалцэрэн үг хэллээ.

Тус семинарын модераториор ХХААХҮЯ-ны Хүнсний үйлдвэрийн бодлогын хэрэгжилтийг зохицуулах Газрын дарга Д. Довчинсүрэн ажиллаж байна. Семинараар Хүнсний аюулгүй байдлын үндэсний хөдөлгөөн, Хүнсний тогтвортой уян хатан сүлжээг хөгжүүлэх, Үнийн хяналт ба хүнсний аюулгүй байдлын мэдээллийн систем зэрэг сэдвээр хэлэлцүүлэг үргэлжилж байна.

Азийн хөглжийн банкны нийт 2 сая ам.долларын техник туслалцааны санхүүжилтээр нийт 3 жилийн хугацаанд хэрэгжих уг төсөл нь хүнсний хангамж, аюулгүй байдал, хариу арга хэмжээний мэдээллийн нэгдсэн систем байгуулах, хүнсний нийлүүлэлтийн тогтолцоог сайжруулах, хүнсний нийлүүлэлтийн  сүлжээний логистикийг сайжруулахад шаардлагатай хөрөнгө оруулалтын стратеги боловсруулах чиглэлээр ажиллах юм.

Төслийн хүрээнд хийгдэх ажлын гүйцэтгэгчийн сонгон шалгаруулалтыг Азийн хөгжлийн банк зарлаж, сонгон шалгаруулсан ба олон улсын зөвлөхүүд болон зөвлөх үйлчилгээний “Монконсалт” ХХК болон “Нью Фронтиерс” ХХК-ийн төслийн багийн гишүүд, холбогдох талуудтай уулзалт хийж эхний судалгаа, уулзалтуудыг хийж, ажлын үр дүн, төслийн хүрээнд хэрэгжүүлэх үйл ажиллагааны төлөвлөгөөг боловсруулж, төслийн нээлтийн семинараар хэлэлцэж байна.     

Төслийн энэ үйл ажиллагааны хүрээнд гол хийгдэх ажил нь “Хүнсний баталгаат байдлын мэдээлэл, хариу арга хэмжээний нэгдсэн систем” бий болгох бөгөөд уг систем нь дараах 4 модулиас бүрдэнэ. Үүнд:

• Хүнсний бүтээгдэхүүний үнийн мониторингийн модуль;
• Хүнсний хангамжийн мониторингийн модуль;
• Эрт сэрэмжлүүлийн модуль;
• Хүнсний бүтээгдэхүүний эрүүл ахуйн анхан шатны хяналтын мэдээллийн сан

Мөн тус төсөл нь Хүнсний хангамж, аюулгүй байдлыг хангах талаар авах зарим арга хэмжээний тухай УИХ-ын 2022 оны 36-р тогтоолд тусгагдсан зарим зорилтуудыг биелүүлэхэд Хүнс, хөдөө аж ахуй, хөнгөн үйлдвэрийн яаманд дэмжлэг үзүүлэх юм.