“Старлинк номад”-ынхан зорилтот хэрэглэгчдэдээ хүрч ажиллаж байна

• ЦХХХЯ-наас улсын хэмжээнд зохион байгуулж буй “Цахим хөгжлийн өдөрлөг” амжилттай үргэлжилж байна. Энэхүү өдөрлөгийг өнгөрсөн хугацаанд говийн болон хангайн бүсэд зохион байгуулсан бол өдгөө баруун бүсэд үргэлжилж байгаа юм. “Цахим аймаг” бодлогын зөвлөмжийг аймаг, орон нутагт хэрэгжүүлэхэд нэгдсэн бодлого, төлөвлөлт, удирдлагаар хангаж, “Цахим үндэстэн” болох уриалгыг эрчимжүүлэх, төрийн үйлчилгээг түргэн шуурхай, хариуцлагатай, хүртээмжтэй хүргэх нөхцөлийг бүрдүүлэх зорилго бүхий энэхүү өдөрлөгийг төр, хувийн хэвшлийн түншлэлийн хүрээнд зохион байгуулж буйгаараа онцлогтой. Тэгвэл “Цахимд хэвшье” өдөрлөг хувийн хэвшлийнхэнд ямар үр дүнтэй байгаа талаар “Старлинк номад” компанийн захирал, үүсгэн байгуулагч П.Ариунболдоос тодруулахад “Цахим хөгжлийн өдөрлөгт бид сансрын интернэтийн “Старлинк” төхөөрөмжөө танилцуулан оролцоод, 11 дэх аймагтаа ажиллаж байна.
• Үндэсний хэмжээнд зохион байгуулж буй энэ өдөрлөг манай байгууллагын хувьд маш үр дүнтэй, ач холбогдолтой арга хэмжээ болж байгааг онцолъё. Учир нь манай сансрын интернэтийн төхөөрөмжийг аймгуудын удирдлага, онцгой байдлын албаныхан, сумдын удирдлага болон ерөнхий боловсролын сургуулийнхан ихээхэн сонирхож байна. Жишээлбэл, Өмнөговь аймгийн удирдлагууд сумдын онцгой байдлын хэлтсийнхэн манайхаас төхөөрөмж худалдан авахаар шийдвэрлэсэн. Бусад аймаг ч мэдээлэл авсны дараагаар бидэнтэй эргэж холбогдон хамтын ажиллагаа өрнүүлж байна. Манай төхөөрөмжийн гол хэрэглээ нь алслагдмал буюу дэд бүтцээс хол, сүлжээгүй газарт амьдарч буй аж ахуйн нэгж, иргэдэд зориулагдсан байдаг. Тиймээс ч аймгийн удирдлагууд онцгой комиссынхондоо, сумын удирдлагууд алслагдсан багтаа төдийгүй малчдадаа зориулан авах боломжтой. Манай үйлчилгээ шинэ тутам учраас орон нутгийнхан, тэр дундаа хөдөөний малчдад “Старлинк”-ийн талаар төдийлөн мэдээлэл хүрээгүй байна. “Цахим өдөрлөг”-ийн хүрээнд бид зорилтот хэрэглэгчдэдээ хүрч, мэдээлэл хүргэн ажиллаж байгаагаараа олон талын давуу талыг үүсгэж байна. Өдөрлөгийн үеэр хувь иргэдийн зүгээс ч биднээс худалдан авалт хийж байгаа нь үр дүнгийн нэг илрэл юм. Мөн бид бүсчилсэн хэлбэрээр аймгуудаар аялах явцдаа үнэгүй, хөдөлгөөнт интернэт болох “старлинк”-ийн төхөөрөмж суурилуулсан автобустай явж байгаа юм. Ингэж интернэтийн сүлжээг үнэгүй цацаж яваа учраас замд таарсан хүмүүс ч маш их сонирхож байна. Товчхондоо, бидэнд маш их үр өгөөжтэй өдөрлөг болж байна” хэмээн онцоллоо.

“Старлинк” нь сансрын сүлжээний хөдөлгөөнт интернэт төхөөрөмж юм. “Старлинк номад” компанийн хувьд монгол орны онцгой нөхцөл байдалд тохируулан хөдөлгөөнт интернэтийн төхөөрөмжийг хялбаршуулан зөөвөрлөхөд хялбар, жижиг хэлбэрээр хийлгэсэн байна. “Старлинк”-ийн төхөөрөмтэй болсноор хэзээ ч, хаанаас, ямар ч хөдөлгөөн дунд ч интернэтэд холбогдох бүрэн боломжтой гэдгээрээ онцлогтой. Хүссэн газраасаа 300 mbps хүртэлх хурдаар интернэтэд холбогдох бөгөөд 12в, 24в, 220 вольтын олон эх үүсвэрээр цахилгаанд холбосноор хаана ч ажиллуулж болдгоороо давуу талтай. Нэг дор 30-200 хүн холбогдох боломжтой бөгөөд 50 метр радиуст wifi цацах төдийгүй манай орны -45-аас +50 градуст ажиллах боломжтой. Тиймээс энэхүү төхөөрөмжийг орон нутгийнхан, тэр дундаа малчид нийлж хоршин хот айлаараа хэрэглэх боломжтойг онцолж байна.