Кэти Перри Зүүн Азийн хүмүүнлэгийн элчээр томилогдлоо

Поп од, алдарт дуучин Кэти Перри Их Британийн ханхүү Чарлезийн хүсэлтээр “Англи-Азийн итгэлцэл” хүмүүнлэгийн аяны төлөөлөгчөөр сонгогджээ.

Ханхүү Чарлезийн байгуулсан энэхүү буяны байгууллага нь Зүүн Азийн буюу Энэтхэг, Пакистан, Шри Ланка, Бангладеш зэрэг орны ядуурал, тэгш бус байдлыг шийдвэрлэхэд тус нэмрээ оруулах зорилготой аж.  

Перригийн хувьд Энэтхэг дэх хүүхдийн наймаа, хүчирхийллийг бууруулах чиглэлээр хариуцан ажиллах гэнэ. Тэрбээр ч мөн уг ажилд гар бие оролцохдоо баяртай байгаа гэдгээ илэрхийлсэн байна. Түүнчлэн хөгжимчин Naughty Boy болон нэвтрүүлэгч Нихал Артанаяк нар ч энэхүү аяны төлөөлөгчдийн тоонд багтжээ.

Энэтхэгт албадан хөдөлмөр эрхэлдэг 5.8 сая хүүхэд байдаг гэж тооцоо гарсан бөгөөд ганцхан Жайпур хотод л гэхэд хэдэн арван мянган нь аюулт нөхцөлтэй үйлдвэрүүдэд ажилладаг гэсэн байна.