Гишүүд нь мөнгөө нэхэмжилж эхэлсэн АН-ын жагсаалтыг Л.Гантөмөр тэргүүлэх ёс зүйтэй юу?

Сонгууль бүрээр мөнгөний асуудалд орж намынхаа гишүүдийг санхүү, эдийн засгаар дарамталдаг АН-ын дарга нар энэ удаад ч бас нэр дэвшигчдээсээ хууль бусаар хандив авсан бололтой. 2020 оны УИХ-ын сонгуульд АН-ын дарга асан С.Эрдэнэ нэр дэвшигчдэдээ 100 сая төгрөгийн дэнчин тавьж их хэмжэээий хууль бус мөнгийг татсан гэх асуудал яригдаж, АН-ын олон гишүүн эсэргүүцэж байсан ч хуулийн болон улс төрийн, ёс зүйн ямар ч хариуцлага тооцож чадаагүй юм. Харин энэ удаад УИХ-ын сонгуульд нэр дэвшигчдээ Сонгуулийн хуулийн хугацаанд багтаан тодруулах гэж хүчээр ҮБХ-ны тогтоолыг баталж буй нь олон нийтэд ил болж, УИХ-ын гишүүн асан З.Нарантуяагийн хүчтэй эсэргүүцэлтэй тулж буй нь цахим орчинд тарсан АН-ын нэр дэвшүүлсэн тогтоолыг хууль ёсны гэж үзэхэд эргэлзээтэй  юм. Холбогдох байгууллага СЕХ энэ асуудлыг анхааралдаа авсан байх.

Үүнтэй холбогдуулан УИХ-д сонгох, сонгогдох Үндсэн хуулийн эрхээ хэрэгжүүлэхэд нэр дэвшигчдэдээ мөнгөн шалгуур тавьж байгаа нь хууль бус хэмээн АН-ын гишүүн Г.Уянга мэдэгдэж нэр дэвшихийн тулд төлсөн 16 сая төгрөгөө АН-аас нэхэмжилж буйгаа цахим хуудастаа мэдэгджээ. Түүний бичсэнээр АН-аас тойрог болон жагсаалтаар нэр дэвшсэн 128 хүн бүр татвар нэрээр энэ хэмжээний  мөнгө төлсөн бололтой. Зарим эх сурвалжийн мэдээлснээр АН-ын жагсаалтаар нэр дэвшихийн тулд зарим бизнесмэнийг 10 тэрбум төгрөг намдаа хандивласан гэх мэдээлэл цацагдаад байна.

Мордохын хазгай гэгчээр нэр дэвшүүлэлтээсээ эхлээд намынхаа гишүүдийг талцуулсан ёс зүйгүй АН-ын дарга Л.Гантөмөр өөрөө жагсаалтаа тэргүүлэх эрхтэй юу?