МАЛЫН ГАРАЛТАЙ ТҮҮХИЙ ЭДИЙГ ЭДИЙН ЗАСГИЙН ЭРГЭЛТЭД ОРУУЛАХ “ЦАГААН АЛТ” ХӨТӨЛБӨР ХЭРЭГЖҮҮЛНЭ

Монгол Улсын Ерөнхийлөгч Ухнаагийн Хүрэлсүх хөнгөн үйлдвэрийн салбарыг дэмжин “ЦАГААН АЛТ” үндэсний хөтөлбөр хэрэгжүүлэх, хонины ноосыг 100 хувь эдийн засгийн эргэлтэд оруулах нөхцөл бүрдүүлэхийг чиглэл болгосны хүрээнд Ерөнхийлөгчийн Хот, хөдөөгийн хөгжлийн бодлогын зөвлөх З.Мэндсайханаар ахлуулсан ажлын хэсэг байгуулагдсан.

Тогтоолын төслийн хүрээнд 25 арга хэмжээ авагдана. 

Малын гаралтай түүхий эдээ боловсруулж эдийн засгийн эргэлтэнд оруулах, үнэ цэнийг нэмэгдүүлэх, ажлын байрыг нэмэгдүүлэхийг зэрэгцээ экспортын орлогыг нэмэгдүүлэх зорилго тавьж тус тогтоолыг өргөн барьжээ. 

Манай улс жилд 18 сая ширхэг арьс, нэхий гаргадаг. Харин одоогийн байдлаар 70 хувийг нь боловсруулахгүй гаргадаг байна. Мөн 50 мянган тонн ноомон бүтээгдэхүүн гаргадаг ч үүний 50 хувийг ашиглахгүй байгаа гэсэн тооцоо гарчээ. 

Тиймээс хөнгөн үйлдвэрлэлийн салбарын хөгжлийг шат ахиулах, тэр дундаа малын гаралтай түүхий эдийг эдийн засгийн эргэлтэд оруулах, ажлын байр бий болгох, нэмүү өртөг шингэсэн бүтээгдэхүүн үйлдвэрлэх, малчдын орлогыг нэмэгдүүлж, ахуй амьдралыг нь сайжруулах зэрэг  нөхцөл бүрдүүлэх зорилгоор “Цагаан алт” үндэсний хөтөлбөр хэрэгжүүлэх гэж байна.