“Малчдад тэжээлээ тариалах газрын эрх олгоё гэхээр АН-ынхан яагаад дургүйцээд байгааг ойлгохгүй байна”

АН-ынхны зүгээс  сонгууль угтсан улстөртэйгөө малчдыг хутгаж, “Шинэ хоршоо” хөдөлгөөнийг мушгин гуйвуулах болсон. Тэр бүү хэл, тусгай нэврүүлэг бэлтгэн олон нийтийн сүлжээгээр зохион байгуулалттайгаар цацаж эхэлсэн. Үүнтэй холбогдуулан ЗГХЭГ-ын даргын зөвлөх Ү.Амарбат, “Хурдасгуур” төвийн захирал Ё.Азжаргал, Архангай аймгийн Цахир сумын малчин Н.Баяндүүрэн, СДМЭХ-ны ерөнхий нарийн бичгийн дарга М.Мандхай, Сэлэнгэ аймгийн  Жавхлант багийн “Бумбат таван богд” хоршооны  захирал Т.Ууганцэцэг, МАН-ын Бага хурлын гишүүн Т.Төрбодд нар мэдээлэл, тайлбар хийлээ.
“Шинэ хоршоо” хөдөлгөөний хүрээнд  хоршиж нэгдсэн малчдад 5 га газрын эзэмших эрх олгох бөгөөд  малчид тухайн газарт өөрсдийн гараар тэжээлээ тарих боломжийг бүрдүүлж байгаа юм. Гэтэл АН-ынхны зүгээс малчдад газар олгон хашаажуулж, Өвөрмонгол  шиг болгох нь гэх мэтээр мушгин гуйвуулж байгаад  дараах тайлбарыг өглөө.   Энэ талаар ЗГХЭГ-ын даргын зөвлөх Ү.Амарбат  “Энэ хөтөлбөрийн хүрээнд бид  малын бэлчээрийн газрыг ямар нэгэн байдлаар хөндөхгүй. Энэ талаар ямар нэгэн зохицуулалт хуульд байхгүй. Харин өнгөрсөн өвөл, зудын хүндрэлтэй цаг үед Монгол Улсын  Засгийн газрын гишүүд 21 аймаг, 200 гаруй суманд биеэр очиж ажиллах үеэр малчдын зүгээс хамгийн их хөндсөн асуудал, хүсэлт нь малынхаа тэжээлийг өөрсдөө тариалах газар олгож өгөх тухай байсан юм.  Малчид “Бид тэжээлээ хүртэл ченжүүдийн аманд орсон үнээр худалдаж авахад хүрч байна. Бидний хувь заяа алийн болгон хүний гарт байх вэ, бид өөрсдөө тэжээлээ таримаар байна. Харин  тэжээл тарих тодорхой хэмжээний газрыг олггож өгөөч” гэдэг хүсэлтийг мш ихээр ирүүлсэн. Тийм учраас шинээр байгуулагдсан болон хуучин ажиллаж байсан хоршоод маань өөрийнхөө суманд 5 хүртэлх га газрыг тэжээлийн зориулалтаар авах эрхийг хуулийн хүрээнд нээж өгсөн юм. Өөрөөр хэлбэл, энэ бол малын бэлчээрийг хашиж буй хэлбэр огт биш бөгөөд тухайн суманд байгаа багахан хэмжээний газарт малчид маань  тэжээлээ тарьснаар намар хурааж аваад ченжийн гар дээрх  биш өөрсдийн тарьсан тэжээлээр  өвлийг давдаг болох боломжтой болж байгаа юм” гэдгийг  онцоллоо.  Мөн “Хэн нэгэн улс төрч, бикнесмэн, гаднын хөрөнгө оруулагчид Монголд ирээд бизнес хийх болохоор хэдэн зуун га газар авч, хашиж болдог байхад яагаад  тухайн сумын иргэд өөрсдөө хоршоо байгуулаад 5-хан га газарт тэжээл  тариалах эрхгүй байдаг юм бэ.  Малчид асуудлаа шийдэх эрхтэй, тэжээлээ тариалах газартай байя гэхээр АН-ынхан яагаад дургүйцээд байгааг ойлгохгүй байна” гэлээ.