Лайвчин Д.Мөнх-Эрдэнийг АН-ын байранд нэвтрүүлэхгүй, хамгаалалт гарчээ

АН-ын удирдлагууд айдастай, ардчиллаа авдрандаа хийгээд “түгжсэн” байдалтай байна. УИХ-д нэр дэвшигчдээ тодруулах гэж орон даяар булайгаа дэлгэсэн АН-ынхны хэрүүл тэмцэл өнөөдөр ч үргэлжилж байна. Намын байрных нь гадаа жагсаал цуглаантай, дотор нь хамгаалалт гарсан байдалтай байгааг лайвчин Д.Мөнх-Эрдэнэ дэлгэн харуулав. Тэр бүү хэл, АН-ын удирдлагууд түүнийг намын байр руу нэвтрүүлэхгүй байх үүргийг хамгаалалтынхандаа өгчээ. Д.Мөнх-Эрдэнийн хувьд ҮБХ-ны хурлаар ямар булхай луйвар өрнөснөөс авахуулаад намын санхүүжилт хуулийн зөрчилтэй, асуудалтай байгааг дэлгэн олон нийтэд мэдээлсээр байгаа. Тухайлбал, тэрбээр “Сонгуульд нэр дэвшигчдийг тодруулах АН-ын Сонгон шалгаруулах хороо хуралдаагүй. Тойрогт нэр дэвшигчдийн талаар худлаа үнэн ярьж байгаад шууд нэр дэвшигчдийн нэрс зарласан. Хуульд заасан хугацаа дуусахаас 10 минутын өмнө Л.Гантөмөр, Э.Одбаяр хоёр орж ирээд нэрсийн жагсаалт уншчихаад гараад явчихсан. Жишээлбэл, Сонгон шалгаруулах хорооны гишүүн надаас жагсаалтын талаар ямар ч санал асуугаагүй” гэсэн бол “Төрийн аудитын газар АН-ын санхүүг сайн шалгаарай. Манай намын жагсаалтад дээгүүр бичигдэхийн тулд зарим хүмүүс их хэмжээний мөнгө төгрөг өгсөн сураг байна. Би өөрөө бас шалгана, ямар нэг зүйл мэдвэл энэ хүмүүсийг төрийн эрхийг хууль бусаар авахыг завдсан гэдэг үндэслэлээр Тагнуулын ерөнхий газар, АТГ-т өгнө” гэх мэтээр ноцтой мэдэгдэл хийсэн. Түүнийг ийнхүү намынхаа байранд хүртэл нэвтрүүлэхгүй байгаа нь АН-ын удирдлагууд ямар их айдастай байгааг, АН ардчилалгүй болсныг бэлхнээ харуулаад өглөө.