Коронавирусээр 97 хүн нас барж, халдварын тохиолдол 40 мянга давлаа

Өнөөдөр өглөөний байдлаар коронавирусын халдвар авсан хүний тоо 40 мянга, халдварын улмаас нас барсан хүний тоо 900 даваад байгаа талаар Хятадын эрүүл мэндийн байгууллагаас мэдээлж байна.

Эрүүл мэндийн үндэсний комиссын хэлж буйгаар 3000 орчим шинэ тохиолдол ням гарагт бүртгэгдэж, нийт халдвар авсан тохиолдол одоогийн байдлаар 40171-д хүрээд байна.

Шинээр бүртгэгдэж байгаа халдварын тохиолдлын 80 орчим хувь нь тархалтын голомт болох Хубей мужид бүртгэгдээд байгаа юм.

Хубей мужид бүртгэгдсэн нийт тохиолдлоос 1236 нь маш хүнд зэрэгтэй байгаа юм.

Түүнчлэн 97 хүн өчигдөр буюу ням гарагт халдварын улмаас нас баржээ. Одоогийн байдлаар нас барсан хүний тоо 908-д хүрээд байгааг Үндэсний комиссын зүгээс мэдэгдлээ.

Коронавирус дэлхий даяар хурдацтай тархаж байгаа учраас бизнесийн үйл ажиллагаа удааширч байгаа бөгөөд зарим компаниуд ажилчдаа гэрээсээ ажлаа хийхийг санал болгож эхэлжээ.

Эх сурвалж: NHK, Reuters