Израйль улсад суугаа Хятадын элчин сайд Тель Авив дахь гэртээ нас баржээ...
БАЯНЗҮРХИЙН ЗАСАГ ДАРГА ХЭН БОЛОХ ВЭ?
БАЯНЗҮРХИЙН ЗАСАГ ДАРГА ХЭН БОЛОХ ВЭ?
Нийслэлийн хамгийн олон хүн амтай Баянзүрх дүүргийн Засаг дарга хэн хэн болж болох тухай бор шувуу хэдийнэ сошиалд нисээд эхэлжээ. Болох магадлалтайгаар яригдаж байгаа хүмүүс нь БЗД-ийн Засаг даргын орлогч Г.Жаргалсайхан, НИТХ-ын төлөөлөгч, “Үндэсний цэцэрлэгт хүрээлэн”-гийн дарга Ү.Оюунзул, БЗД-ийн ИТХ-ын дарга А.Баяр нар байна. Эрч хүчтэй, залуу хүмүүс байгаа нь сайхан санагдан, итгэл төрүүлж байна. Гэхдээ Нийслэлийн иргэдийн төлөөлөгчдийн хурлын төлөөлөгч Ү.Оюунзулыг сонгоосой гэсэн хүлээлт, массын дэмжлэг их байгааг хараад бүүр ч ихээр олзуурхлаа. Энэ бол нийгэмд эмэгтэйчүүдийн чадварыг харж үнэлэн, хүлээн зөвшөөрдөг болсны илэрхийлэл юм. Яах аргагүй түүний хувьд Баянзүрх дүүргийн төдийгүй нийслэл хотынхны цэвэр агаараар амьсгалах “уушги” болсон “Үндэсний цэцэрлэгт хүрээлэн” ОНӨТҮГ-ын даргаар очсоноос хойш туйлын идэвхитэй байж, тэр байгууллагыг ёстой л сэпхийтэл босгосон билээ. Хуушуур бууз шорлогны хэрүүлтэй, эмх цэгцгүй зах худалдааны төв шиг эрээлжилсэн бараа зардаг замбараагүй талбарыг өөрчилж, иргэдийн амарч зугаалах тохитой газар болгож чадсан.
Үндэсний цэцэрлэгт хүрээлэн бол энгийн нэг зугаалдаг зурвас биш, Туул голын урсацыг нэмэгдүүлж, ундны усны чанарыг хамгаалдаг онцгой обьект юм шүү гэдгийг үйл хэргээрээ харуулж чадсан гэж хэлж болно. Хавар намартаа мод тарилтыг амжилттай зохион байгуулж, нийслэлийн ногоон байгууламжийн 25 хувийг нь дангаараа бүрдүүлж байгаа энэ байгууллагыг удирдсан шиг удирдаж, “Тэрбум мод” үндэсний хөдөлгөөнийг дэмжин дэлгэрүүлэхэд хамгийн их оролцоотой ажиллаж байгааг нь Төрийн тэргүүн хүртэл онцолж байсан. “Мод тарихаас илүү арчлах нь чухал” гэдгийг сануулж, иргэдийн экологийн боловсролыг нэмэгдүүлэх тал дээр анхааран нь мэргэшсэн инженерүүдээ дагуулан хөдөө хотгүй сургалт явуулж ирсэн. “Үндэсний цэцэрлэгт хүрээлэн”-гийн дарга Ү.Оюунзул бол 2020 онд мөн л энэ мест дээр нэр нь яригдаж байгаад, өөр томилгоо орж ирсэн байна. Бас дүүргийн Засаг дарга бол НИТХ-д төлөөлөгч байх ёстой гэсэн үндсэн шаардлагыг ч хангаж байгаа аж.
Хэн нэгний сэтгэл зүтгэлийг хэдхэн үйлдлээр томруулан харж, тодотгон үнэлж болдог. Юутай ч тэр аливаад алсарч суух дургүй, гялалзуур шаламгай хэдий ч хөнгөн шийдвэр гаргаж, хэн нэгнийг хохироох дургүй. Мэдлэг боловсролын хувьд хэнд ч гологдохгүй. Улс төр судлаач, нийгмийн ухааны багш мэргэжлээр МУИС-ийг, Төрийн удирдлагын менежментээр “Рояал академи”-ийг дүүргэсэн. Одоо Дотоод хэргийн Их сургуулийн докторант. Англи, Орос хэлтэй. Ийм л гав шав хийсэн бүсгүйчүүдээ дэмжиж, зүтгэх итгэлийг нь өгөхгүй юм бол хэзээ тэдний оролцоог иргэд бид харах юм бэ. Эмэгтэй Засаг даргатай СБД-ийн хөгжил дэвшилтэй маргаж үгүйсгэх хүн гарахгүй байх. Тиймээс ирэх 5 жилдээ багтаж Эко дүүрэг болно гэсэн том зорилт тавьсан, хүн ам олонтой Баянзүрх дүүргийг удирдах эрхийг түүнд л өгье. Эмэгтэй гэж “даралгүй”, “Ардын охин” гэж адлалгүй чаддаг мэддэгээ нотлох боломжийг нь олгоё.
1 Сэтгэгдэл
Сэтгэгдэл бичих