ҮНЭНБАТЫН ОЮУНЗУЛ БАЯНЗҮРХ ДҮҮРГЭЭС ДАХИН НЭР ДЭВШИЖ БАЙНА

“Аймаг, нийслэл, сум, дүүргийн иргэдийн Төлөөлөгчдийн Хурлын 2024 оны ээлжит сонгуульд нэр дэвшигчид тодрон, өнөөдөр батламжаа авлаа. Монгол Ардын намаас  мандатын тоо ёсоор 45 нэр дэвшигч өрсөлдөх эрхээ авсаны дотор Үнэнбатын Оюунзул багтжээ. Тэрээр 2020 онд “Ардын охин-Ардын хүч” уриатайгаар өрсөлдөж байсан Баянзүрх дүүргээсээ дахин нэр дэвшиж байна. Нийт 10 мандаттай тус дүүргийн хувьд хүчтэй өрсөлдөгчид олонтой хэдий ч Ү.Оюунзулын хувьд ялгарах онцлог их бий.

Өнгөрсөн 2020 оны орон нутгийн сонгуулиар дүүрэгтээ хамгийн өндөр санал авч, бусдаасаа хол тасархай эрэмбэлэгдсэн. НИТХ-ын төлөөлөгч болсноор нийслэл, дүүргийн хөгжлийг ахиулж, хүүхэд эмэгтэйчүүдийг хөгжүүлэх хүн төвтэй олон ажлыг хийсэн. Түүнчлэн мод тарьж ургуулдаг гэдгээр л төсөөлөгддөг байсан “Үндэсний цэцэрлэгт хүрээлэн”-г хүн бүрийн очих дуртай газруудын нэг болгож, чухамдаа ямархуу үүрэг рольтой газар вэ гэдгийг нь ч түмэнд тунхаглаж чадсан. 2020 оноос хойш хоёр ч удаа Баянзүрх дүүргийн Засаг даргад нэр нь яригдаж байсан гэдэг нь түүнийг хичнээн чамбай төлөөлөгч бас дүүрэгтээ гялтганах эмэгтэй улс төрч болохыг нь батлана.

Ү.Оюунзул нь МУИС-ийг улс төр судлаач, нийгмийн ухааны багш “Рояал академи” ОУДС-ийг Төрийн захиргааны удирдлага мэргэжлээр төгссөн, одоо Дотоод хэргийн их сургуулийн докторант. Өнгөрсөн хугацаанд чадвар чансаагаа хангалттай харуулсан Үнэнбатын Оюунзулыг Баянзүрхчүүд дахин дэмжиж, үргэлжлүүлэн хийх ажлыг нь даалгах цаг иржээ.