Коронавирустэй тэмцэхэд АНУ 66 сая ам.доллар гаргана

 АНУ-ын эрх баригчид шинэ төрлийн коронавирустэй тэмцэхэд 66 сая хүртэл ам.доллар гаргахаар төлөвлөжээ.

"The Hill" сонинд мэдээлснээр, АНУ-ын Эрүүл мэндийн яаманд харьяалагддаг Өвчнөөс урьдчилан сэргийлэх, хяналт тавих төв БНХАУ-ын Ухань хотод байгаа Америкийн 800 гаруй иргэнийг нүүлгэн шилжүүлэх, тэднийг үзлэг шинжилгээнд хамруулах, тусгаарлахад 30 сая гаруй ам.доллар зарцуулах ёстой байна. Үүнээс гадна, 36 сая ам.долларыг халдварын тохиолдол бүртгэгдсэн муж улсууд руу мэргэжилтнүүдийг илгээх, нэвтрэх боомтуудад ажиллаж буй хүмүүсийн тоог нэмэгдүүлэх, эмнэлгийн хэрэгсэл худалдан авахад зарцуулна.

АНУ-д коронавирусний халдварын 12 тохиолдол бүртгэгдсэн юм. Тус улсын Эрүүл мэндийн сайдын мэдээлснээр, өвчтөнүүд эмчилгээгээ хийлгэж дууссан байна.