Хубэй мужид дахин 108 хүн коронавирусын улмаас нас барлаа

Өчигдрийн байдлаар Хубэй мужид дахин 108 хүн уг вирусын халдвараас шалтгаалан нас барсан болохыг Хятадын талаас мэдэгдлээ. Энэ тоо коронавирус дэгдсэнээс хойш нэг өдрийн дотор хамгийн их хүн нас барсан тохиолдол болов. Нас барсан хүний тоо өнөөдрийн байдлаар 1016 болсон байна.

Түүнчлэн халдвар авсан нь батлагдсан тохиолдол 43 мянга дөхжээ.

Хятадын хэвлэлийн мэдээлснээр тус улсын Ерөнхийлөгч Си Цзиньпин Засгийн газрын зүгээс шуурхай, шийдвэртэй арга хэмжээ авч ажиллахаа амалжээ.