Дарханы V цэцэрлэгийн эрхлэгчийг ажлаас нь чөлөөлжээ

Дархан-Уул аймгийн V цэцэрлэгийн эрхлэгч Д-г ажлаас нь чөлөөлжээ. Энэ талаар тус аймгийн Нийгмийн бодлогын хэлтсийн дарга Н.Цасчихэрээс лавлахад “Аймгийн Засаг даргын шийдвэрээр V цэцэрлэгийн эрхлэгч Д-г өнгөрсөн долоо хоногт ажлаас нь чөлөөлсөн” гэлээ.

Өнгөрсөн долоо хоногт /2020.02.05/ Дархан-Уул аймгийн Дархан суманд бага насны гурван хүүхэд хэрэглээний халуун усанд түлэгдэж нас барсан харамсалтай хэрэг гарсан. Нас барсан хүүхдүүдийн ээж нь Дархан-Уул аймгийн V цэцэрлэгт үйлчлэгчээр ажиллаж байсан юм. Сургууль, цэцэрлэгийн үйл ажиллагааг хориглосон байхад тус цэцэрлэгийн захирал нь 50 жилийн ойн арга хэмжээндээ бэлдэхээр багш ажилчдаа цуглуулсан үеэр дээрх харамсалтай хэрэг гарсан юм.