Цагаан сарыг тэмдэглэхгүй байх Ерөнхийлөгчийн зарлигийн төслийг дэмжлээ

Монгол Улсын Ерөнхийлөгч Цагаан сар болон коронавирусын халдвартай холбоотой асуудлаар Засгийн газрын санал авахаар төслөө хүргүүлсэн билээ. Засгийн газар өнөөдрийн ээлжит хуралдаанаараа Улсын Онцгой комиссын шийдвэр, саналын дагуу Цагаан сарыг тэмдэглэхгүй байх тухай Монгол Улсын Ерөнхийлөгчийн зарлигийн төслийг хэлэлцэж, дэмжжээ. Энэхүү шийдвэр гарснаар бүх нийтээрээ сар шинийн баярыг тэмдэглэхгүй байхын зэрэгцээ үүнтэй холбоотой ямар нэг зар сурталчилгааг хориглож байгаа юм. Мөн цагаан сарын баярт зориулсан үзэсгэлэн худалдааг хязгаарлах тухай тусгажээ.

Засгийн газраас үргэлжлүүлэн сар шинийн баярын өдрүүдэд бүх нийтээрээ амрах эсэхийг хэлэлцэж байна.