Хонконгийг орхин явахыг консулын газрын ажилтнууддаа зөвшөөрчээ

ЛОНДОН. /Reuters/. Онцын шаардлагагүй бол өөрийн хүсэлтээр Хонконгоос явахыг АНУ-ын Төрийн департамент Хонконг дахь Америкийн консулын газрын ажилтнууд болон түүний гэр бүлийн гишүүдэд зөвшөөрчээ. “2019-nCoV” вирусээр үүсгэгдсэн уушгины хатгалгаа дэгдээд буй энэ үед энэ шийдвэрийг гаргасан байна.

Ийм алхам авсан нь өвчний тархалтын байдал тодорхойгүй байгаатай холбоотойгоор авч буй болгоомжлох арга хэмжээ юм хэмээн гадаад хэргийн яамны албан ёсны төлөөлөгчид тайлбарласан байна. Хятадын Ухань хотод “2019-nCoV” вирусээр үүсгэгдсэн уушгины хатгалгаа өвчин дэгдсэн тухай эрх баригчид өнгөрсөн оны 12 дугаар сарын сүүлчээр мэдэгдсэн билээ.