Хотын дарга Х.Нямбаатарын өнгөрсөн оны наймдугаар сард хийхээр зарлаж байсан Туул голыг дагасан хурдны замын бүтээн байгуулалтаас болж нийгэм хоёр хуваагдаад байна. Өчигдөр тэрээр өөрөө жагсаал цуглаан зохион байгуулсан бол нийслэл дээр хурдны замыг эсэргүүцэж байгаа дарга нарыг шахаж эхэлжээ.
Тодруулбал, НИТХ-ын төлөөлөгч Б.Сэргэлэнбаатарын албан бланк дээр НИТХ-ын дарга А.Баярыг огцруулахаар гарын үсэг цуглуулж эхэлсэн байна. Хуульд НИТХ-ын нийт төлөөлөгчдийн гуравны хоёр буюу 30 төлөөлөгч гарын үсэг цуглуулж, өргөдөл гаргасан тохиолдолд НИТХ-ын даргыг чөлөөлөхөөр заажээ. НИТХ-ын 45 гишүүний 40 нь МАН-аас сонгогдсон. НИТХ-ын төлөөлөгч Б.Сэргэлэнбаатар Х.Нямбаатарын хүн бөгөөд СХД-ийн ИТХ-ын төлөөлөгч, Тохижилт, цэвэрлэгээ, үйлчилгээ ОНӨААТҮГ-ын дарга зэрэг албан тушаалыг хашиж байсан юм.
УИХ, Засгийн газар нь гацаанаас гараад ажилдаа ороогүй байхад нийслэл дэх МАН нь хоёр хуваагдчихлаа.
Мөн нийслэлийн Засаг даргын орлогч Бадарсан Туулын хурдны замыг эсэргүүцэж байгаа учраас өөрийн хүсэлтээр ажлаа өгч байгаа аж.
Сэтгэгдэл бичих