Аав, ээж нь хоёр хүүхдээ тооноор гаргаад, өөрсдөө галд амиа алджээ

Сүхбаатар аймгийн Эрдэнэцагаан суманд өнгөрсөн шөнө гурван хүн гэртээ шатаж, нас барсан осол гарчээ. Тодруулбал, “Эрдэнэцагаан сумын Алтан-Овоо багийн "Хишиг" хорооллын задгайд байх иргэн Э-гийн гэр шатаж байна” гэсэн дуудлагыг аймгийн Онцгой байдлын газар хүлээн авсан байна. Дуудлагын дагуу онцгой байдлын алба хаагчид ослын газар очиж, галыг унтраасан ч гэрт байсан таван иргэний гурав нь галд амиа алдсан байжээ.

Гал түймэрт 33 настай, эрэгтэй Э, 33 настай, эмэгтэй Э, 14 настай, эмэгтэй Х нар өртөж, нас барсан. Гэрийн эзэн Э гал гарах үед 12 настай хүү, гурван настай охиноо гэрийн тооноор гаргаж, амийг нь аварсан гэж Онцгой байдлын ерөнхий газраас мэдээллээ.