УИХ-ын дарга хэн болох вэ? гэдэг таамаг, хүлээлтийн гол эзэд одоогоор ЗГХЭГ-ын дарга С.Бямбацогт, Сангийн сайд Б.Жавхлан нар болоод байгаа юм. Аль аль нь төрийн хар хүний буурьтай, энэ ажлыг хийх хэмжээний мэдлэг чадвар хангалттай хуримтлуулсан гэж харж байна. Гэхдээ С.Бямбацогт сайдын хувьд парламентад 5 удаа сонгогдсон эдийн засагч, хуульч мэргэжилтэй. Монгол Улсын Их Хурал дахь Монгол Ардын Намын бүлгийн дарга, байнгын хороодын даргаар ажиллаж байсан гэдгээрээ арай илүү хувилбар юм.
Цаашлаад Монгол Улсын Засгийн газрын гишүүн, Хууль зүй, дотоод хэргийн сайд, Зам, тээврийн хөгжлийн сайд, Батлан хамгаалахын сайд, Засгийн газрын Хэрэг эрхлэх газрын дарга гэсэн албан тушаалуудыг тус тус хашсаар ирсэн нь УИХ-ын дарга гэдэг мест түүнд тийм ч ахадсан том зүйл биш гэдэг нь тодорхой.
Үе үеийн парламент, засгийн газрынхны хэлийг ойлгодог, төрийн ой санамжийг тууштай хадгалж яваа С.Бямбацогтыг өнгөрсөн хугацаанд хийж хэрэгжүүлсэн ажлынх нь цар хүрээ, хариуцсан салбарынхаа ачааг үүрч, индексийг урагшлуулж чаддаг зэргээр нь үнэлж болох биз.
Сэтгэгдэл бичих