Улсын нэгдсэн төсөвт тодотгол хийх хууль зүйн хэд, хэдэн шаардлага байдаг, үүнд хараахан хүрээгүй гэдгийг өмнөх Засгийн газар мэдэгдэж ирсэн. Тэгвэл шинэ Засгийн газрын тэргүүн багш, эмч нарын цалинг нэмэгдүүлэхийн тулд Монгол Улсын 2026 оны төсөвт тодотгол хийхээ мэдэгдээд байна. Багш, эмч нарын цалинг нэмэгдүүлэхэд 1.2 их наяд төгрөгийн эх үүсвэр шаардлагатай тул шаардлагагүй хөрөнгө оруулалтыг зогсоох зэрэг арга хэмжээ авах аж. Мөн хурал зөвлөгөөн зохион байгуулах, тавилга хэрэгсэл худдалдан авахыг зогсоох юм байна.
Г.Занданшатарын танхим 2026 онд багш нарын цалинг үе шаттайгаар 80 хувьд нэмэгдүүлэх арга хэмжээ авснаа зарлаж байв. Ингэхдээ 2026 оны нэгдүгээр сарын 1-нээс 50 хувь, аравдугаар сараас 30 хувиар нэмэгдүүлнэ. Шаардлагатай санхүүжилтийг төсөвт тусгасан гэж мэдэгдсэн. Гэвч багш нарын зүгээс цалин амласан хэмжээндээ нэмэгдээгүй гэх гомдлыг тавьсан. Улмаар шаардлагатай санхүүжилтийг суулгаагүй нь цалинг нэмэгдүүлэх боломжгүй болгосон тухай хөндөж байв. Тэгвэл шинэ Засгийн газар төсөвт тодотгол хийж, асуудлыг шийдвэрлэх нь ээ.
Сэтгэгдэл бичих