МОСКВА, 2026 оны дөрөвдүгээр сарын 15 /RIA Novosti/. Испанийн “Атлетико Мадрид” баг Аваргуудын лигийн тэмцээний шөвгийн 8-ын хариу тоглолтод “Барселона”-д хожигдсон хэдий ч хоёр тоглолтын нийлбэр дүнгээр хагас шигшээд шалгарлаа.
Мадрид хотод болсон тоглолтод каталончууд 2:1-ээр хожжээ. “Барселона”-гийн гоолуудыг Ламин Ямаль (4 дэх минут), Ферран Торрес (24 дэх минут) нар гоол оруулсан бол “Атлетико”-гийн нэг гоолыг Адемола Лукман (31 дэх минут) хийжээ. “Барселона”-гийн хамгаалагч Эрик Гарсия тоглолтын 79 дэх минутад улаан хуудсаар торгуулсан байна.
Барселонад болсон эхний тоглолтод “Атлетико” баг 2:0-ээр хожжээ. Диего Симеонегийн баг хагас шигшээд Английн “Арсенал”, Португалын “Спортинг” багуудын хожсонтой нь тоглоно.
Аваргуудын лигийн тэмцээний шөвгийн 8-ын өөр нэгэн тоглолтод Францын “Пари Сен-Жермен” баг Английн “Ливерпүүл”-ийг хоёр тоглолтод буулган авч, хагас шигшээд шалгарлаа.
Хариу тоглолт “Энфилд” цэнгэлдэх хүрээлэнд болж, ПСЖ 2:0-ээр хожжээ. Тоглолтын хоёрдугаар үед Усман Дембеле хоёр гоол оруулсан байна. Эхний тоглолтод ПСЖ өөрийн талбайд мөн 2:0-ээр хожсон юм.
Хагас шигшээд ПСЖ Испанийн “Реал”, Германы “Бавариа” багуудын хожсонтой тоглоно. Эхний тоглолт Мадрид хотод болж, зочин баг 2:1-ээр хожжээ. Хариу тоглолт дөрөвдүгээр сарын 15-нд Мюнхенд болно.
Сэтгэгдэл бичих