Баянгол дүүргийн 8 дугаар хорооны нутаг дэвсгэрт согтууруулах ундаа хэрэглэсэн иргэн бусдын амгалан тайван байдлыг алдагдуулж, улмаар цагдаагийн алба хаагчийн хууль ёсны шаардлагыг эсэргүүцсэн хэрэг гарлаа.
Хэргийн нөхцөл байдал: 2026 оны 04 дүгээр сарын 22-ны өдрийн 22:20 цагийн орчимд Цагдаагийн байгууллагад “Байрны гадна согтуу хүн хүн хөөгөөд байна” гэх дуудлага бүртгэгдсэн байна. Дуудлагын дагуу очиж шалгахад тухайн иргэн нь олон нийтийн амгалан тайван байдлыг алдагдуулж байсан нь тогтоогджээ.
Цагдаагийн алба хаагчийн шаардлага: Саатуулах ажиллагааны явцад тухайн иргэн цагдаагийн алба хаагчдын хууль ёсны шаардлагыг биелүүлэхээс татгалзаж, хэл амаар доромжлон эсэргүүцэл үзүүлсэн байна. Үүссэн нөхцөл байдалтай холбогдуулан алба хаагчдын зүгээс:
-
Хууль ёсны шаардлагыг биелүүлэхийг сануулах;
-
Шаардлага биелүүлээгүй тохиолдолд нэг бүрийн тусгай хэрэгсэл хэрэглэхийг урьдчилан анхааруулах зэрэг хуульд заасан арга хэмжээнүүдийг авч ажиллажээ.
Санамж: Төрийн алба хаагчийн хууль ёсны шаардлагыг эсэргүүцэх нь Зөрчлийн тухай хууль болон Эрүүгийн хуулиар хариуцлага хүлээх үндэслэл болдог.
Одоогийн байдлаар тухайн хэргийн шалгалтын ажиллагаа үргэлжилж байна.
Сэтгэгдэл бичих