Эрээн хотын худалдааны чөлөөт бүсийн үйл ажиллагаатай танилцлаа

БНХАУ-ын Эрээн хотын худалдааны чөлөөт бүс нь 18 га газар нутагт худалдаа, эдийн засгийн чөлөөт бүс хэлбэрээр байгуулагджээ. Тус бүсэд өнөөдрийн байдлаар 48 аж ахуйн нэгж байгууллага 4 чиглэлд үйл ажиллагаа явуулж эхэлэхэд бэлан болсон байна. Тухайлбал уул уурхайн бүтээгдэхүүнийг боловсруулах, хүнс, хөдөө аж ахуйн гаралтай бүтээгдэхүүн үйлдвэрлэл, худалдаа, хүнсний бүтээгдэхүүний худалдаа, хил орчмын аялал жуулчлал. Дээрх 4 чиглэлийг тэргүүлэх салбар болгосон бөгөөд цаашид нэмэгдүүлэн 7 болгох юм байна. Өнөөдрийн байдлаар тус чөлөөт бүсийн дэд бүтцийн ажилд 1,5 тэрбум юанийн хөрөнгө оруулалтыг хийсэн байна. БНХАУ-ын Эрээн хотын чөлөөт бүс нь хуурай замын авто болон төмөр замыг түшиглэн байгуулагдсан худалдаа, эдийн засгийн жишиг чөлөөт бүс болох хэтийн зорилго тавьсан байна. Үүнд хүрэхэд Монгол Улсын ЗамынҮүдийн чөлөөт бүстэй хамтран ажиллаж худалдаа, эдийн засгийг 3 улсын кордиор байгуулах ёстой гэж Монгол, Хятадын эдийн засгийн хамтын ажиллагааны бүсийн удирдлагын газрын дэд дарга Дөү Шяопин ярилаа. 2027 он гэхэд Эрээн болон ЗамынҮүд чөлөөт бүсийн хооронд авто замын дэд бүтэц холбогдож, худалдаа, эдийн засгийн урсгал өрнөнө гэсэн хүлээлттэй байгаагаа илэрхийлж байв. Энэ хүрээнд Монгол талын төлөөлөлтэй удаа дараагийн уулзалт хийж буй гэнэ. Эрээн хотын худалдаа эдийн засгийн чөлөөт бүс үйл ажиллагаа нь эхэлсэн нөхцөлд 10 гаруй аж ахуйн нэгж үйл ажиллагаагах тус бүсд явуулахаар хүсэлтээ хятад талд ирүүлсэн байна. Харин Монгол Улсын ЗамынҮүд чөлөөт бүсийг хувьд татваргүй барааны дэлгүүр хэлбэрээр цөөн аж ахуйн нэгж ажиллаж буй. Үүнийг өргөжүүлж хоёр улсын хамтарсан үйлдэрлэл худалааны чөлөөт бүс болох ёстой гэж хятадын төл үзэж байна. Эрээн хотын худалдаа эдийн засгийн чөлөөт бүс нь 6 сая тонн ачаа тээврийг эргэлдүүлэх хүчиг чадалтай байхаар төлөвлөгджээ. БНХАУ-д худалдаа, эдийн засгийн 23 чөлөөт бүс байгаагийн нэг нь Эрээн хотынх. Тус бүс нь ӨМӨЗО-д байдаг 3 чөлөөт бүсийн нэг. Ачаа барааны эргэлт, хил орчмын худалдаа эдийн засаг, аялал жуулчлалыг цогцоор нь шийдсэн чөлөөт бүс болохын тулд ЗамынҮүдийн чөлөөт бүстэй нягт ажиллах шаардлагатай байгаагаа айлын тал олон удаа дурдаж байв. Дашрамд дуулгахад Монгол-Хятадын худалдаа эргэлтийн 80%, зорчигч тээврийн 70% нь ЗамынҮүд-Эрээн боомтоор хийгддэг байна. Цаашид Эрээн боомт нь чөлөөт бүстэйгээ хамтран төмөр замын нэвтрэх хүчин чадлыг нэмэгдүүлж, Тяньжинь,Таншань усан боомтоос ирэх ачаа барааг хуурай замын Монгол, Орос, Европт хүргэх гол цэг болохоор төлөвлөжээ.