Казахстан Улсын Астана хот болон Улаанбаатар хотын хооронд зургаадугаар сараас эхлэн шууд нислэг үйлдэж эхэлнэ.
Олон улсын агаарын тээврийн салбарт 1997 оноос тогтвортой, амжилттай үйл ажиллагаа явуулж ирсэн “SCAT Airlines” компани шууд нислэг үйлдэх юм.
Энэ шинэ чиглэл нь Монгол Улсын Ерөнхийлөгчийн Бүгд Найрамдах Казахстан Улсад хийсэн төрийн айлчлалын хүрээнд хоёр улсын хамтын ажиллагааг өргөжүүлэхээр тохиролцсон зорилт бодит ажил хэрэг болж буйн тод илэрхийлэл болж буйг Аялал Жуулчлалын Мэргэжлийн Холбоо мэдээлэв.
Астана-Улаанбаатар чиглэлийн шууд нислэг нээж буй нь хоёр улсын иргэдийн харилцаа, бизнесийн түншлэл, аялал жуулчлалын урсгалыг нэмэх ач холбогдолтой. Шууд нислэг үйлдэж эхэлснээр хоёр улсын хооронд зорчих нөхцөл сайжирч, бүс нутгийн хамтын ажиллагаа, эдийн засгийн харилцааг шинэ түвшинд хүргэх боломж бүрдэнэ.
Шууд нислэгийн хуваарь:
- Мягмар гарагт:- Астана-Улаанбаатар 23:40 - 06:15
- Лхагва гараг: - Улаанбаатар-Астана 07:30 - 09:00
- Баасан гараг: - Астана-Улаанбаатар 21:10 - 03:30
- Бямба гараг:- Улаанбаатар-Астана 04:30 - 06:00 цагт тогтмол нислэг үйлдэх ажээ.
Сэтгэгдэл бичих