Хүнсний хомсдол үүсэхгүй учир хүнсний нөөц бүрдүүлэх шаардлагагүй

Засгийн газрын хуралдаанаас засаг захиргаа, нутаг дэвсгэрийн нэгж, төрийн болон нутгийн захиргааны байгууллага, хуулийн этгээдийг өчигдрөөс гамшгаас хамгаалах өндөржүүлсэн бэлэн байдлын зэрэгт /хэсэгчлэн/ шилжүүлсэн. Өндөржүүлсэн бэлэн байдлын үед хэрхэн ажиллах талаар ОБЕГ-аас мэдээлэл хийв.

Энэ үеэр Засгийн газрын Хэвлэл мэдээлэл, олон нийттэй харилцах албаны дарга Ц.Ганзориг “Хүнсний захуудыг хаагаагүй, орон нутгийн замыг хязгаарлаагүй. Хүнсний хомсдол үүсэх асуудал байхгүй. Хомсдол үүсэхгүй учраас хүнсний нөөц бүрдүүлэх шаардлагагүй” гэлээ.