Коронавирусын халдвараар өдөрт 116 хүн нас барж байна

Хятад улсын Хубэй мужийн эрүүл мэндийн байгууллага өнөөдөр буюу баасан гарагт коронавирусийн халдвараар 116 хүн нас барсан талаар мэдэгдлээ. Ингэснээр уг халдварын улмаас нас барагсдын тоо 1483-т хүрчээ.

Тус мужид өнөөдөр 4823 тохиолдол шинээр бүртгэгдсэн байна. Ингэснээр Хятад улсад вирусын халдвар авсан хүний тоо 64627 болсныг NHK мэдээллээ. Одоогийн байдлаар дэлхий даяар нийт 65210 тохиолдол албан ёсоор бүртгэгдээд байгаа юм.