Айлуудыг дроноор хянахгүй

Шинэ төрлийн коронавирусийн халдвараас урьдчилан сэргийлэх зорилгоор төмөр хулгана жилийн сар шинийн баярыг нийтээр тэмдэглэхийг хориглох шийдвэрийг Засгийн газраас гаргасан. Уг шийдвэрийг хэрэгжүүлэх ажлын хүрээнд Нийслэлийн гэр хорооллын айл өрхүүдийг цагдаагийн байгууллага дроноор хянахаар болсон гэх мэдээлэл зарим сайтаар гарсан юм. 

Харин цагдаагийн байгууллагаас уг мэдээллийг үгүйсгэж байна. ЦЕГ-ын хэвлэл мэдээллийн төвөөс тодруулахад "Цагдаагийн байгуулагад айл, иргэдийг дроноор хянах тухай ямар ч удирдамж, заавар ирээгүй." хэмээлээ.