Хэлмэгдэгсдийн үр хүүхдэд нөхөн олговор олгов

 Улс төрийн хилс хэрэгт хэлмэгдэгсдэд нөхөн олговор олгох тухай хуулийн дагуу Хөвсгөл аймгийн иргэдийн төлөөлөгчдийн хурлын дарга Л.Төмөрбаатар хэлмэгдэгсдийн үр хүүхдэд нөхөн олговрын батламжийг гардуулав.

Улс төрийн хилс хэрэгт хэлмэгдэгсдийг цагаатгах, нөхөн олговор олгох тухай хуульд нэмэлт өөрчлөлт орсонтой холбоотойгоор шинээр гарсан журамд заагдсан холбогдох шаардлагын дагуу материалаа бүрдүүлсэн  12 хүнд нөхөн олговор олгох шүүхийн шийдвэр гарчээ.

Тус хуулийн 13.2.1-д заасны дагуу Гүнсэнгийн Мягмар, Пүрэвжалын Ёндон, Дуламын Хөх-Өвгөн, Бавуугийн Долгоржав, Дэнзэнгийн Долгоржав, Дашийн Дорж, Даваасамбуугийн Долгорсүрэн, Хандын Нямцэрэн, Цэрэнпагмын Сосорбарам, Долгорын Цэрэндорж нарт тус бүр 80 сая төгрөг, мөн хуулийн 13.2.2-д заасны дагуу Лувсандоржын Пялзад, Ёндонгийн Пүрэвжий нар тус тус 40 сая төгрөгийн нөхөн олговор олголоо.

Хөвсгөл аймагт энэ хуулийн хүрээнд нийт 15 хүнд нөхөн олговрыг нь гардуулснаас 11 иргэн 80 сая төгрөг үлдсэн 4 иргэн 40 сая төгрөг нийт нэг тэрбум дөчин сая төгрөгийг хэлмэгдэгсдийн үр хүүхдүүдэд олгоод байгаа юм.