Японы эзэн хааны төрсөн өдрийг тэмдэглэх үйл ажиллагаа цуцлагдлаа

Японы эзэн хааны хэвлэл мэдээллийн агентлагаас “Эзэн хаан Нарухитогийн төрсөн өдрийг тохиолдуулан хийхээр төлөвлөж байсан үйл ажиллагаануудыг коронавиурсын дэгдэлтийн төвшин хурдацтай өсөж, тус улсад шинэ тохиолдлууд олноор бүртгэгдэж буйн улмаас цуцалж байгаа” болохыг албан ёсоор мэдэгдлээ.

Харин Эзэн хаан болон түүний гэргий ням гарагийн өглөө ордны тагтнаас 3 удаа мөргөн олон нийттэй мэндчилэх юм байна. 

Нарухито нь 1960 оны 2-р сарын 23-ны өдөр төрсөн бөгөөд энэ жил 60 жилийн ойн тохиож буй юм. Мөн өнгөрсөн оны 5-р сард  хаан ширээнд заларснаас хойших анхны төрсөн өдөр нь болох аж.

Эзэн хаадын ойн арга хэмжээнд ард иргэд олноороо цугларч баяр хүргэдэг тул тэднийхээ эрүүл мэндийг нэгт тавьж энэхүү шийдвэрийг гаргах болсон тул хүлцэл өчсөн байна.  Гэсэн хэдий ч гэр бүлийн хүрээнд цомхон ёслол үйлдэх бөгөөд тус улсын Ерөнхий сайд  Шинзо Абэ зэрэг төрийн өндөр албан тушаалтнууд болон Японд суугаа гадаадын дипломат албан төлөөлөгчид цуглан зоог барьж, цайны ёслол хийх гэнэ.