Говь-Алтай аймгийн засаг даргаас талийгаачийн үхэлтэй холбогдуулан мэдүүлэг авчээ

Хэргийг тодруулбал, талийгаач эмэгтэйг гэртээ амарч байхад нь тус аймгийн засаг дарга болох В.Ренцендорж ажлынхаа өрөөнд дуудаж, орлогчийнхоо төрсөн өдөр, тамгаа гардаж аваад удаагүй байгаа тамгын газрын шинэ даргын ажлыг мялаахаар баяраа тэмдэглэхээр архидан согтуурч байсан. Түүнчлэн хэрэг гарах шөнө Засаг даргын өрөөнд Засаг даргын орлогч Я.Эрхэмбаяр, Тамгын газрын дарга н.Отгонбаяр нар хамт байсан гэх мэдээлэл бий.

Цагдаагийн байгууллагаас тухайн иргэний үхлийн шалтгааныг илрүүлэхээр шүүх эмнэлгийн багтай хамтран ажиллаж байна. Засаг дарга В.Рэнцэндорж талийгаач Б-г  өмнө нь ажлаа өгөхийг удаа дараа шаардаж байсан гэх албан бус эх сурвалжийн мэдээлэл бий. Талийгч бүсгүй Гэр бүл, хүүхэд залуучуудын хөгжлийн газрын даргаар 2016 оноос хойш өнөөг хүртэл ажиллаж байсан, сэтгүүлч мэргэжилтэй . Тэрбээр ажилдаа дуртай, хүүхдэд хайртай, зөв үлгэр дуурайлал болохуйц мэргэжилтэн, бас хүний сайн хань, хоёр хүүхдийн эх байсныг ГБХЗХГ-аас хэлсэн юм.