Солонгост 35 настай монгол хүнээс коронавирус илэрсэн гэжээ

БНСУ-ын Намъянжу хотод оршин суугч 35 настай монгол залуугаас коронавирус илэрсэн талаар Өмнөд Солонгосын хэвлэл мэдээллийн хэрэгслээр мэдээлжээ.

Энэ нь тус хотод бүртгэгдсэн коронавирусийн анхны тохиолдол болсон бөгөөд түүнийг Сөүлийн Үндэсний их сургуулийн Бундан эмнэлэгт тусгаарлан эмчилж байна.

Намъянжу хотын захиргаанаас түүнийг хоёрдугаар сарын 20-нд Монголоос ирсэн бөгөөд бие нь сайнгүй байсан тул гадуур гараагүй хэмээн мэдээлжээ. Түүнтэй хамт амьдардаг болон ойр тойрны зургаан хүнээс шинжилгээ авахад хариу сөрөг гарсан ч тусгаарласан хэвээр байгаа аж.  Мөн түүнтэй харилцаа тогтоосон хүмүүсийг эрэн хайж байна.

Эх сурвалж: news.naver.com