Г.Батзаяад донор олдон, гуравдугаар сард мэс засал хийлгэхээр болжээ

Хорт хавдар туссандаа сэтгэлээр унах бус харин ч эсрэгээрээ бодит байдалтай эвлэрч, эрэлхэгээр нүүр тулан “Би сугалаагаар хорт хавдар хожсон. Харин шагнал нь мянга мянган хүний итгэл найдвар байсан юм” хэмээн өөдрөг яваа Г.Батзаяатай өдгөө БНХАУ-д эмчлүүлж байгаа.

Тэрбээр Цагаан сарын өмнө донор хайх шаардлагатай болсон тухай “Хятадын донорын сан коронагаас болж үйл ажиллагаагаа зогсоосон болохоор та хэд гэр бүл, төрөл төрөгсдөөсөө ахиад Донор оо хай гэж эмч хэлснээр өчигдрөөс хойш л сэтгэлээр уналаа… эгч, аав, ээж маань аль хэдийн донорт тохирохгүй гэсэн хариу сонсчихсон хүн л дээ би чинь???? Ингээд өглөө сэрсэн ээжийн нүд нь гялалзчихсан сууж байна. Хамаатан садангийн бие хаа сайтай бүх эрчүүдийн нэрсийг гаргаад, бүүр хамаатны эгчтэй шөнөжин чатлаад тэд нартай холбогдоод би донор болоход бэлэн гээд гарын үсэг цуглуулжээ бараг ???? бас миний итгэл найдвар болоод байгаа ганц ахыг минь аль хэдийн хот уруу явуулжээ. Хятад эмч хэлэхдээ нарийн шинжилгээг заавал энд хийнэ харин энэ 6 төрлийн шинжилгээг өгсөн байхад донорт тохирох магадлал өндөр тул Монголдоо энэ шинжилгээнүүдийг хийлгээд тохирвол нааш нь дуудаж нарийн шинжилгээ авъя гэсэн юм. Ингээд судалсан чинь тэр 6н төрлийн шинжэлгээг авах магадлалтай ганц эмнэлэг байна үнийн асуулгасан чинь 3.5орчим сая төгрөг…

Хоёр чихэндээ итгэсэнгүй 20н хамаатныг үржих нь 3.5 сая нийтдээ 70 сая гэж бодоод ухаан алдаад уначихсангүй энэ чинь нарийн шинжилгээ биш урьдчилсан гэж бодохоор ???? тэгээд эхнээс нь энэ ч ер нь надтай адилхан царайтай биш ???? энийг ч зоос шидээд хасчих уу гээд байж байсан… Ах, аав хоёр Өнөө эмнэлэгтээ ахиад холбогдсон чинь 6 шинжилгээний 1-ийг нь л авч чадах юм байна, 5-ыг нь авч чадахгүй манайд тийм тоног төхөөрөмж байхгүй бүүр авч чадах нэгийнх нь хариуг ч Монголдоо гаргах боломжгүй болохоор Солонгос уруу явуулж 14 хоногийн дараа хариуг нь авна гэнэ… Ингээд өглөө сэрэхэд нүд нь гэрэлтчихсэн байсан ээж үнэ сонсож нэг хямраад, Монголд шинжилгээ хийхгүйг сонсоод давхар хямраад хэвтэж байна хэхэ… Ер нь энэ Монголын эрүүл мэндийн салбар хэзээ хөгжиж бусад орны жишигт хүрэх юм болоо ???? гэж би бас үе үе бодоод хэвтэж байна даа” гэж мэдэгдсэн.

Уншигч та бүхэнд баяртай мэдээ дуулгахад Г.Батзаяад гуравдугаар сарын 20-нд чөмөг шилжүүлэн суулгах мэс засалд орохоор болжээ. Энэ тухай тэрбээр цахим хуудсандаа “Үнэхээр сайхан мэдээ донорын сангаас хариу ирж миний чөмөгний донор бэлэн болоод чөмөг шилжүүлэх хагалгаа маань гуравдугаар сарын 20-нд товлогдлоо.
Харин маш том асуудал тулгарсан нь миний хагалгаанд хоёр литр цус хэрэглэгдэх бөгөөд хятадад коронагаас болоод цусны нөөц дууссан тул нэгдүгээр бүлгийн цусны донор олох шаардлагатай. Монголын хил гуравдугаар сарын 20 хүртэл хүн нэвтрүүлэхгүй гэсэн мөн хоёр литр цусыг 4-өөс 5 хүнээс авч бүрдүүлэх юм байна. Корона гээд маш эрсдэлтэй байгаа энэ үед ийм зүйл гуйх үнэхээр хэцүү байна. Монгол буцаагүй Бээжинд байгаа нэгдүгээр бүлгийн цустай хүмүүсээс надад цусаа өгч, амьдрал бэлэглэхийг чин сэтгэлээсээ гуйж байна.

Миний амьдрал үнэхээр адармаатай юм аа хэхэ Чөмөгний донор маань алга болж байгаад буцаад олдлоо тэгсэн Хятад улсад нэгдүгээр бүлгийн цусны хангамж дууссан ч байх шиг хэхэ. Монголоос цусны донор дуудах гэсэн ч хагалгаа болох өдөр хүртэл хил хаагаад ямар ч нислэг байхгүй гээд л… Нэг тийм саад бэрхшээлүүдээр дүүрэн… Тэхдээ л бүх зүйл сайхан болно гэдгийг мэдрээд байна аа” гэжээ.