ТУСГААРЛАГДСАН ИРГЭН: Өчигдөр 20:00 цагаас хойш ус огт уусангүй

БНСУ-д эмчлүүлж байсан монгол иргэн коронавирусийн халдвар авч, нас барсан харамсалтай тохиолдол гарсан. Тиймээс Эрүүл мэндийн яамнаас вирүсийн тархалтаас сэргийлэх үүднээс нас барсан монгол иргэнтэй хамт зорчсон 144 хүнийг тусгаарлах шаардлагатай буйгаа мэдэгдсэн юм.

Энэ дагуу өчигдөр оройноос хойш тусгаарлах ажиллагааг зохион байгуулж, Асралт мед эмнэлэгт 31 иргэнийг хөл хорионд оруулааз байна.

ТУСГААРЛАГДСАН иргэдийн нөхцөл байдал ямар байгаа талаар бид тэдэн рүү холбогдлоо. Нэрээ нууцлахыг хүссэн нэг иргэн “Өчигдөр 20:00 цагт энд ирсэн. Ирсэн цагаасаа хойш балаг ус ч уугаагүй байна. Өрөөнөөс гаргахгүй, Гаднаас юм авахыг хориглосон тул юу болж байгааг ч мэдэхгүй байна. Усгүй ам цангаад байгаа ч ямар ч аргагүй байна. Сая 11:00 цагт каш өгсөн ч аргагүй хүмүүсийг “Өөрсдөө учраа ол гээд өгсөнгүй гэсэн мэдээлэл өглөө.

Тэрбээр “Ер нь зохион байгуулалтгүй, яах гэж байгаа нь тодорхойгүй мэт байна. Нэг өрөөнд дөрвөн хүн байна. Дунд нь нэг халууны шил өгсөн. Өрөөнөөс гаргахгүй байгаа тул ахуйн хэрэглээгээ базааж амжаагүй, Шууд ачигдаж  ирсэн иргэдийн нөхцөл хүнд байна.