Ерөнхий сайд автозамын ХЯЗГААРЛАЛТЫГ сунгах чиглэл өгчээ

НЭМЭЛТ: 10:30

Яг одоо Засгийн газар “COVID-19” вирусээс урьдчилан сэргийлэх цогц асуудлаар  ХААЛТТАЙ хуралдаж байна.

Хуралдаанаар орон нутгийн зам, Улаанбаатар хот руу орох, гарах урсгалыг хязгаарлалтыг сунгах чиглэлийг Ерөнхий сайд тавьсан байна. Түүнчлэн цаг алдалгүй шийдэх бусад асуудлуудыг ярилцаж байна.

Засгийн газрын хуралдааны дараа Улсын Онцгой комисс үргэлжлүүлж хуралдана.

-ЗАСГИЙН ГАЗАР ХААЛТТАЙ ХУРАЛДАЖ БАЙНА-

НЭМЭЛТ: 09:30

Засгийн газрын ээлжит хуралдаан өргөн бүрэлдэхүүнтэйгээр ХААЛТТАЙ эхэллээ.

-ЗАСГИЙН ГАЗАР ӨРГӨН БҮРЭЛДЭХҮҮНЭЭР ХУРАЛДАНА-

Засгийн газар өнөөдөр /2020.02 26/ өглөө өргөн бүрэлдэхүүнээр хуралдана.

Тодруулбал, шинэ төрлийн коронавирусийн дэгдэлтийн цаг үеийн нөхцөл байдалтай холбоотойгоор Монгол Улс урьдчилан сэргийлэхэд шаардлагатай бүх арга хэмжээг цаг алдалгүй авч, нөхцөл байдлын үнэлгээ хийж, цаашдын болзошгүй эрсдэлд бэлэн байх зэрэг асуудлыг хэлэлцэх аж.