БНХАУ-д “Covid-19” вирусийн халдвар тогтворжиж байна

Өчигдөр буюу хоёрдугаар сарын 27-ны пүрэв гарагт БНХАУ-ын нутаг дэвсгэр дээр шинэ төрлийн коронавирусээр халдварласан 327 тохиолдол шинээр бүртгэгджээ. Тус улсын Үндэсний эрүүл мэндийн комиссоос мэдээлснээр, энэ нь нэгдүгээр сарын 23-наас хойших хамгийн бага үзүүлэлт болсон байна.

Нэг өдөрт мянга, мянгаараа шинээр бүртгэгдэж байсан урьдны өдрүүдтэй харьцуулахад вирусийн халдвар БНХАУ-д тогтворжиж буй нь ийнхүү статистикаас харагдаж байгаа юм. Дээр дурьдсан 327 тохиолдлын 318 нь халдварын голомт болох Хубэй мужид бүртгэгджээ.