Өмнөд Солонгост халдварын 594 тохиолдол шинээр илэрч, нийт тоог 3,000-д ойртууллаа

Сүүлийн 24 цагийн хугацаанд Өмнөд Солонгост шинэ коронавирусийн халдварын 594 тохиолдол нэмж илэрснээр нийт халдвар авсан хүний тоог 2,931 болгожээ.

Халдвар авсан өвчтөнүүдийн 16 нь нас бараад байна.

Шинэ 594 тохиолдлын 476 нь Дэгү хот, 60 нь түүнтэй хөрш Умард Гёнсан мужид илэрчээ.

Нийслэл Сөүл хотод 12 тохиолдол шинээр бүртгэгдсэн байна.

Өмнөд Солонгос дахь коронавирусийн тархалтын гол эх үүсвэр болоод байгаа Есүсийн Шинчёнжи сүмийн 210,000 гаруй гишүүнийг эрх баригчид ойрын үед нэгдсэн журмаар шинжилгээнд хамруулахаар бэлдэж байгаа тул шинэ халдварын тоо цаашдаа огцом нэмэгдэх төлөвтэй байна.

Эх сурвалж: Yonhap News