Өвөрхангай аймгийн БОЭТ-ийн баг гэрт нь касер хагалгаа хийж эх, хүүхдийн амийг аварчээ

Энэ оны хоёрдугаар сарын 23-наас 24-нд шилжих шөнө Өвөрхангай аймгийн Уянга сумын Бөөрөлжүүтийн Мээтэн хэмээх газраас жирэмсэн эх ихэс ховхрон цус алдсан яаралтай дуудлага иржээ. Уянга сумын ЭМТ-ийн бүрэлдэхүүн очиж газар дээр эхийн байдлыг үзэхэд тээвэрлэх боломжгүй байсан аж. Иймд аймгийн БОЭТ-ийн эх барихын хагалгааны багийг дуудан гэрт нь кесар мэс заслыг хийж эх, хүүхдийн ам насыг аварсан сайхан үйл явдал болжээ.

Өргөсөн тангарагтаа үнэнч байж, хоёр хүний алтан амь аварсан БОЭТ-ийн Эх барих эмэгтэйчүүдийн зөвлөх эмч Ж.Баярсайхан, ЭБЭ-ийн эмч Д.Ренчиндулам, мэдээгүйжүүлгийн эмч А.Түмэндэлгэр, Сувилагч Бямбацэрэн, Пүрэвсүрэн, Жолооч Төмөртогоо
Уянга сумын ЭМТ-ийн баг бүрэлдэхүүн
Дарга, эрчимт эмчилгээ, сэхээн амьдруулах тасгийн эмч Б.Ганбаяр, Хүүхдийн эмч Н.Энхтунгалаг, Дотрын эмч Д.Ганчимэг, Мэс заслын эмч Д.Дөлгөөн, Эх баригч Б.Даваадолгор, Г.Цээрмаа, Лаборант Б.Дулмаа, Жолооч А.Дагвадорж, Д.Нямдаваа нарт нийт Монголчуудын нэрийн өмнөөс талархсанаа илэрхийлье.

Энэ мэдээнд таны өгөх үнэлгээ