Сарын түрээс, зээлийн хүү төлөлтийн хугацааг хойшлуулах уриалга хүргүүлжээ

Өнөөдөр /2020.03.02/ “Баялаг бүтээгчдийг дэмжих холбоо”-ноос сарын түрээс болон зээлийн хүү төлөлтийн хугацааг хойшлуулах уриалгыг Монгол банкинд хүргүүллээ.

“COVID-19” халдвар тархсантай холбоотой авч буй хорио цээрийн улмаас баялаг бүтээгч, жижиг дунд үйлдвэрлэл эрхлэгчид эдийн засгийн хүн байдалд ороод байна. Үүний улмаас жижиг дунд бизнэс эрхлэгчид зээлийн хүүгээ төлж чадахгүйд хүрчээ. Иймд тэд банк болон банк бус санхүүгийн байгууллагуудад хорио цээр дуустал зээлийн төлөлтийг хойшлуулах хүсэлт тавьж байгаа аж.

“Баялаг бүтээгчдийг дэмжих холбоо”-ноос Улсын Их хурал яаралтай ээлжит бус чуулганаар хуралдах, Засгийн газраас нийгмийн даатгал болон татварын төлөлтийн хойшлуулах, хугацаандаа төлөөгүйн улмаас тавих торгуулиас чөлөөлөх, Засгийн газраас Зээлийн эргэн төлөлтийн тухай хуулийг өргөн барьж, зээлийн төсөл сонгон шалгаруулалтыг яаралтай зарлахыг хүсчээ.

Түүнчлэн “Монгол банкны Ерөнхийлөгч мөнгөний бодлогын хороог хуралдуулах эрхтэй. Өнгөрсөн долоо хоногт Мөнгөний бодлогын хороог энэ сарын 11-нд хуралдуулна гэж шийдвэрлэсэн. Энэ хугацаанд бидний нөхцөл байдал олон удаа өөрчлөгдөнө. Мөнгөний бодлогын хороог яаралтай хуралдуулж, шийдвэр гаргах шаардлагатай байна. Гэтэл Монгол банкны Ерөнхийлөгч зээлийн хүүг хойшлуулах боломжгүй гэж байгаад бид гайхаж байна. Иймд түүнийг Төв банкны хуулиар олгосон эрх, үүргээ хэрэгжүүлэхийг шаардаж байгаа юм” гэдгийг тэд тодотгов.